Олабўжи романдан катта хикоя

энди? 
– Турсуной айтмадими? Соат олтиларда дўстлар билан бораман... 
Бир- икки мошинада... 
– Кейин мени опкетасиз? 
– Ҳа-да. 
Баҳор қақ-қаҳлаб кулди. 
– Ё ўзим... сизникида қолайми? – давом этди Ултон. – Ҳе, ўша 
Умар Хайёмнинг рубойисида айтилгандек: “Бу сирли даргоҳга келсам, 
кетмасам...” 
– Ҳо-о-о, эсладингизми? Лекин у тўртликни йўлига айтдим 
девдингиз-ку? 
– Ҳа, – деди йигит. – Аммо сиз эшиттирган қўшиқлар ҳам фақат 
ўзингиз учун эмас экан-у? 
– Қойил! – Баҳор сархушга ўхшар эди. – Айтмоқчи, Ултон ака, – 
давом этди. – Худди шу... “келиб кетмаслик” ё “бориб қайтмаслик” 
хусусида келишиб олишимиз керак. Менга кўп нарсалар жалка-да... Ну, 
бу тўғрида кейин гаплашамиз! Мана, Дунё ҳам шундай деяпти... У 
ёнимда ўтирипти. Махфират опаям шу ерда... Турсунтош опага 
трубкани берайми? 
– Нимани гаплашардим... Айтмоқчи, бир масала бор, – деди Ултон. 
– Эшитаман! 

---

253 
– Бу-у... – Оғзини микрофонга тақаб бир зум тек қолди-да, бирдан 
айтиб юборди. – Никоҳ! 
Баҳop ҳам бир муддат тин олиб: 
– Вечердан кейин ҳам... бўлар, – деди. 
– Бўлмайди, – деди Ултон. – Қошингизда ўтирган Махфират 
опангиз рухсат этмайдилар. 
– Ах-да-а. 
– Шунинг учун бирон ярим соатдан кейин учрашсак. 
Эшитяпсизми? 
– Шу ердами? 
– Майли... мен Зокир Ўриновнинг мошинасида бориб, сизни 
олишим мумкин. 
– Йўқ-йўқ! Бирйўла опкетгали келасиз... А, қаерга боришимиз 
керак? 
Ултон микрофонга шивирлади:
– Мозорга... Зикриёхон домланинг олдига... Тушундингизми? Беш-