Олабўжи романдан катта хикоя

кичкина одам!) падари бузрукворига ҳеч қачон “учи”ни чиқармаган, 
бироқ қачондир айтилиши шарт бўлган энг ҳаётий ва табиий мавзуда 
(албатта чолнинг ҳам ягона орзуйи шу эди...), ниҳоят, гап очажаги учун 
хижолат ичра бир-икки хўрсинди-да, атай чимирилиб: 
– Отабой, бир гап чиқиб қолди, – деди. Гапнинг индаллоси 
ҳаяжонсиз бошланганидан қаноатланиб, давом этди: – Шу-у... уйни 
қуриб қўйгансиз-а? 
– Ҳа, – деди чол собитлик билан. – Энди фақат унга кирадиган 
келиним қолган. 
Йигит отасига қараб олди. “Ҳа бунинг орзуси – шу!” деган ўй 
кўнглидан ўтиб: 
– Мана, билар экансиз, – дея бошини эгди. 
– Хўш, улим? Айтинг. 
– Сизламанг мени... – Ултон бирдан бурилиб, чақирди: – Наби! 
Бери ке! – Чайла “томи”дан қурут олиб шимаётган йигитча ирғишлаб 
етиб келди. Ултон ўрнидан турди. Ва: “Бу қандай қилиб тушунтиради?” 
деб ўйлади. Бироқ уни чақириб бўлган, нимадир дейиши керак. 
– Мана, Набиям билади, – деди ниҳоят. – Бизнинг вақтимиз зиқ, 
ота. 
– Мунча?! – Чол гарангсиб қўзғалди. – Тинчликми? 

---

189 
– Сизниям опкетамиз. Оқсувга! Ундан районга! 
– Ё, пирим-э, – деди Султон бобо. – Олдин айтинглар. Нима гап 
ўзи? 
– Гап шундан иборатки, – деб ҳиринглади Наби. Ва чапаничасига 
айтди-қўйди: – Тўй! 
– Йўқ, бу нарса сизга боғлиқ, – изоҳ берди Ултон отасига қарамай. 
– Менга? Йўқ, улим, – деди чол ўзини ўнглаб олиб, – сизга боғлиқ. 
– Ундай бўлса... – Набининг гапи оғзида қолди. Ултон: “Сизни 
Тўқлибой Қўчқоров йўқлаётир!” деган гапни дарҳол ўзгартириб: 
– Тўқлибой ака йўқлаётир сизни, – деди. Сўнг ғижиниб кетди. 
Наздида у... “тунги воқеа”ниям айтиб берадигандек бўлди. Кейин