Олабўжи романдан катта хикоя

онасини айтдинг! – Кейин энсаси қотиб давом этди. – Лекин мен “Наука 
и Жизнь”да бир мақола ўқиган эдим: инсон – космик ҳодиса эмиш. 
– Нима-нима? 
– 
Фазодан... тушган қандайдир ақлли махлуқлар инсоннинг 
уруғини ерга экиб кетган эмиш! – Наби анграйиб қолди. Ултон эса 
талтайиб кетди. – Йўқ, шундай деб ёзган! 
– 
А, нега энди у олим... 
– 
Чепуха! – деди Ултон. – Инсоннинг жамики яшаш тарзи, 
пайдо бўлишию ўлиши — табиатдаги ҳар бир жонли-жониворнинг 
яшаш тарзи ва пайдо бўлишию ўлиши билан... муштаракдир! Агар ўша 
онгли махлуқотлар инсон руҳини “экиб” кетишган бўлса, демак, бутун 
жонзотларнинг ҳам уруғларини “сепиб” кетган бўлади! Ҳолбуки, бир 
парча ерда минглаб гиёҳлар унади... 
– 
Албатта. 
Тепаликка чиққан эдилар. 
– 
Энавер, – деди Ултон. – Ҳей қўтонга! Қорайиб кўриняпти-ку! 
– 
Хўп. 
Қийдан қорайиб турган қўтон атрофи тошқалама пастак девор 

---

185 
билан ўралган, четан энгараги бор. Ялангликда қаққайган – фақат тепа 
шохларигина қолган қари арчанинг кесикларига лаш-лушлар илинган. 
Берироқда узунчоқ капа билан чайла. Чайла устига ёпилган бўйрада 
думалоқ-йирик қурутлар. Бу маконнинг ҳар ёнидан сўқмоқлар кесишиб 
ўтган. 
Бу – юрт. 
“Султон 
чўпоннинг 
юрти” 
дейишади 
чорвадорлар 
ҳам, 
ўткинчилар ҳам. 
Ултон эса бу манзилда, эсини танибдики, билади: куз охирлаб, 
қишдан хабар бергувчи совуқ шамоллар (шимолдаги Чўнтоғ 
дараларидан) эса бошлагач, аста-секин кўч-кўронларини от-уловларга