Олабўжи романдан катта хикоя

Ва отни ниқтаб, юганни силкитган эди, у: 
– Ҳой, ҳой! – деди. 
– Нима? – деди Ултон. 
Участковой отга уч-тўрт қадам қолганда тўхтади. Пуфлаб сигарет 
кулини туширди ва кулумсираётганлигини ошкор этадиган овозда: 
– Қаёқдан келяпсан, муаллим? – деб сўради. 
– Сенламанг, – деди Ултон ва... унинг саволи маъносини англаб, 
юраги шув этди: “Нима ишинг бор? Қаллиқ ўйиндан келаётган бўлсам-
чи!” демоққа шайланганди, милиса хайрихоҳларча кулумсираб: 
– Хўп, сизлашим ҳам мумкин, – деди. – Лекин сен мендан ёшсан-
ку? 

---

156 
У яна сенлаган эса-да, муросага бораётгани сезилди. 
– Барибир! – деди Ултон. – Хўш, нима демоқчисиз? – Шунда отдан 
тушсаям бўлишини фаҳмлаб қолди: Гижингтойни етаклаб, кўприк 
ёнидан пастлайди, кейин боққа опчиқади... Ултон отдан тушди-ю, 
англадики, қадрдонни боғда қолдирмайди. Бироқ қайта мингиси 
келмади. 
– Ана, бу бошқа гап, – деди милиса. 
– Нима-нима? 
– Отдан тушганингни айтдим... Ўзбек одатича, отлиқ пиёдага 
салом берармиш. 
Бу гап Ултонга ёқиб кетиб, миясидан: “Ҳа, шундай. Яхши 
одатларимиз бор”, деган ўй ўтди. 
– Хўш? 
– Дўхтирнинг уйидан келяпсан-а? 
Ултон тилдан қолди: “Баҳорнинг уйидан... келаётганимниям...” 
– Қўрқма, укасига айтмайман. 
– Тавба. 
“Укасига... Бу “келишамиз” деганими?” 
– Чекасанми? 
– Йўқ! – деб юборди Ултон. – Чекмайман. Билдингизми? A-а, 
менинг қаёқдан келаётганим билан ишингиз бўлмасин! – Энди 
йигитнинг фиғони чиқиб кетди. – Эй, сиз нима, авлиёми? – Бу гапи 
ўринлимас, сирни фош этиш эди... – Йўқ, сиз ўзи... Менга қаранг, мен