Оғиз бўшлиғи аъзолари ва юз-жағ соҳалари тўқималарини

Қанот – танглай анестезиясини
: ёноқ ости – қанотсимон, юқори жағ 
дўмбоғи (туберал), кўз косаси ичи ёноқ усти, танглай йўллари орқали амалга 
ошириш мумкин.
Ёноқ ости – қанот (трагоорбитал) йўл
– 
Бу услубда қулоқ олди дўмбоғи 
(tragus)дан ўтказилган горизонтал чизиқ ҳамда куз косаси ташқи чеккаси билан 
ёноқ суягининг олд-пастки қисмини бирлаштирувчи тик чизиқ марказини 
туташтирувчи (tragoorbital) чизиқ ўртаси, бевосита ёноқ ёй остига, терига 
нисбатан перпендикуляр равишда, игна санчилади ва суякка (ташқи қанотсимон 
ўсиққа)ча, анестетик юборган ҳолда ичкарига киритилади. Игна киритилган 
104 

---

масофани унга тақилган стерил резина бўлаги билан белгилаб, игна ярмигача 
орқага қайтарилади ва 15
0
бурчак остида олд томонга резина билан белгиланган 
чуқурликкача киритилади ҳамда 1,5 мл анестетик юборилади. Юқори жағ нерви
анестезияси марказий оғриқсизлантириш усуллари орасида бажарилиши 
осон, кам асоратли ва юқори самаралиси ҳисобланади. 
 
Туберал йўл.
Бу йўл туберал анестезия оғиз ташқарисидан бажарилиши 
каби ўтказилади. Юқори жағ дўнгидан сўнг игна юқорига, орқага ва ичкарига 
ўроқсимон тирқиш орқали қанот– танглай чуқурчасига киритилади ва 1,5 мл 
анестетик юборилади. 
Кўз косаси (орбитал) йўли.
Чап қўлнинг кўрсаткич бармоғи билан кўз 
косасининг чеккаси топилади. Бармоқни ўртадан медиалроқ қўйиб, юмшоқ 
тўқималар пастга тортилади. Игнани терига санчиб, анестетик юбориб, кўз косаси 
чеккасига қадалгунча киритилади. Анестетикни юбориб кўз косаси чеккасининг 
устига ўтиб кўз косаси тубига чиқилади ва суяк бўйлаб (уни “сезиб”), анестетик 
юборган ҳолда, 1,5-1,6 см. ичкарига киритилади ва1,5 мл эритма юборилади. 
Бу йўл билан анестезия ўтказилаётганда, кўз олмаси ва косасига шикаст 
етказиш, қон томир ва нерв толаларини тешиб ўтиш, тўқималарга инфекция 
тушириш каби асоратлар юзага келиши мумкин. Бундай асоратлар олдини олиш 
учун шифокор оғриқсизлантириш техникасини мукаммал билиши, 
гидропрепаровкани тўғри бажариши ва асептика қоидаларига риоя қилиши зарур.