Оғиз бўшлиғи аъзолари ва юз-жағ соҳалари тўқималарини

Ёноқ усти йўли. 
Бу йўл анестезия юқорида келтирилган ёноқ ости йўли 
услубида ёзилгандек бажарилади. Фарқи трагоорбитал чизиқ ёноқ равоғи остидан 
эмас, балки устидан ўтказилади. Игна юқоридан пастга, ичкарига қанотсимон 
пластинка томон киритилади. 
Танглай йўли. 
Оғиз катта очилган ҳолатида танглай анестезияси усулидек
ўтказилади. 
Танглай тешиги атрофига 0,5-1 мл эритма юборилиб, игна учи билан 
танглай тешиги пайпаслаб топилади. Каналга тушганидан сўнг, игна 1,5-2 см. 
ичкари (юқори)га киритилади ва 1.5 мл эритма юборилади. Бу йўл билан қанот-
105 

---

танглай чуқурчасида оғриқсизлантириш ўтказиш осон, аммо баъзан 
қийинчиликлар ҳам бўлиши мумкин. Масалан: оғиз яхши очилмаса, бошқа 
интраорал анестезия усулларига хос асоратлар бу усулда ҳам учраши мумкин. 
Пастки жағ нерви (n. mandibularis)ни овал тешик 
атрофида оғриқсизлантириш 
Пастки жағ ва унинг атрофидаги тўқималарда узоқ давом этадиган кенг 
кўламли операциялар ўтказииш учун, умумий оғриқсизлантириш имконияти 
бўлмаган ҳолатларда, овал тешик атрофида бажариладиган марказий ўтказувчан 
анестезиядан фойдаланиш мумкин. 
Пастки жағ нерви (n. mandibularis) калла суяги ичидан понасимон суякнинг 
катта қанотидаги овал тешик (foramen ovole) орқали чакка ости чуқурчасига 
чиқади ва шу ондаёқ ҳаракатлантирувчи ҳамда сезувчи нервлар тармоқларига 
бўлиниб кетади. 
Овал тешик атрофида оғриқсизлантириш тўрт йўл билан амалга 
оширилиши мумкин. 
Ёноқ ости йўли.
Ёноқ ёйи остида ўтказиладиган трагоорбитал чизиқ 
ўртасига, терига нисбатан перпендикуляр ҳолда игна санчилади ва анестетик 
юборган ҳолда, ичкарига, қанотсимон ўсиқнинг ташқи пластинкасига тақалгунча 
киритилади масофани белгилаб, ярмигача орқага чиқарилади ва 15
0
бурчак остида 
белгиланган чуқурликка қайтадан киритилиб, 1,5 мл анестетик юборилади.