Оғиз бўшлиғи аъзолари ва юз-жағ соҳалари тўқималарини

 
Болаларда премедикация. 
Стоматолог пациент (бемор) билан (айниқса бола билан) мулоқотга 
кирганда унинг ўтказиладиган муолажаларга қандай муносабат билдиришини 
тахмин қила олиши керак. Баъзи тоифадагиларга уқтиришнинг ўзи кифоя қилса, 
айримларда медикаментоз тайёргарлик ўтказиш зарурияти бўлади. Бундай 
тайёргарлик амалиётда премедикация деб юритилади. Премедикация 
стоматологик муолажадан 30-40 минут олдин ёки узоқ бир неча кун давомида 
ўтказилиши мумкин.
Стоматолог қабулида болалардаги хавотирлик ва қўрқувнинг 
фармакологик коррекцияси. 
Маълумотларга кўра стоматологик қабулга келганларнинг 84%
ўтказиладиган муолажага нисбатан хавотирлик ва қўрқув бўлади. 5-6% болалар 
эса стоматологик муоложа ўтказилишига мутлақо қарши бўладилар ва уларни 
кўндириб бўлмайди. 
Стоматолог қабулига биринчи марта келган пациет (ёш бола ёки катта 
ёшли одам)ни бир савол қийнайди. Ўтказилажак амалиёт нечоғлик оғриқ билан 
кечади? 
108 

---

Стоматологик кабинет остонасидан ўтмасдан, бемор қўрқувга тушади унда 
эмоционал таранглик юзага келиб, шифокорга ишончсизлик пайдо бўлади. 
Бемор аввал стоматолог қабулида бўлиб, оғриқ ҳис қилган бўлса, унинг 
ёдда қолган кечинма-таасурот қўрқувини янада оширади. 
Стоматолог врач муоложа олдидан беморнинг руҳий ҳолатига салбий 
таъсир этувчи мана шу хилма хил омилларни тасаввур этиши, турли услублардан 
фойдаланиб бемор билан узаро ишонч вужудга келишига эришиш зарур. 
Хавотирлик ва қўрқув стоматологик ёрдам кўрсатилмасдан, кутиш 
хонасидаёқ бошланади. Қабулга келган одам атрофга назар солади. Қабулдан 
чиққан беморга, уни ранги рўйига аҳамият беради. Бемор ох-вох ўриб, оғзидаги 
сўлакни дуч келган жойга( айниқса, қон аралаш) тупирса, хавотирлик янада 
ошади. Қўрқув ва эмоционал тангликни камайтиришда поликлиника интерьери, 
тиббий ходимлар ташқи кўриниши ва муомаласи ҳам жуда кучли таъсир этади. 
Шунинг учун стоматологик поликлиникага кириб келган (катта одам ёки бола) 
учун унинг интерьери дизайни қизиқарли бўлиши лозим. Айниқса болалар қабул 
қилинадиган хона атрофида танилган мультфилмлар ижобий қахрамонлари 
тасвирланганликлари, уларнинг холатларини психоэмоционал енгиллаштиради. 
Шифокорнинг халати тоза, муомаласи ёқимли бўлиши бемор ишончини янада 
орттиради. Бугунги кунда беморлар тиббиёт муассасаси ва ходимлари билан 
танишиш ҳамда сухбатлашиш учун махсус даволанишдан аввал ташриф 
буюрадилар.