Оғиз бўшлиғи аъзолари ва юз-жағ соҳалари тўқималарини

Биринчи босқичда
– 
а) операциягача ўтказиладиган даволаш чоралари – 
аъзо ва (нафас олиш, овқат ҳазм қилиш, марказий асаб) тизимлари фаолиятини 
тиклаш: моддалар алмашинуви, иммун тизимларини меъёрлаштириш, кам 
қонликни даволаш ва х.к. 
б) оғиз очилиши 2 см гача бўлган беморларда деформация кучайишини ва 
пастки жағни конструктив равишда марказий ҳолатга келтириш мақсадида 
ортодонтик (олиб қўйиш мумкин бўлган ёки ечилмайдиган пружинали, винтли 
қия текисликка эга, Вебер шинаси ёрдамида) даволаш ўтказилади. Тишлам ва жағ 
суякларининг турғун ҳолатига эришилади. Комплекс равишда ўтказилган 
медикаментоз ва ортодонтик даволаш (тайёрлов)дан сўнг операция режаси 
тузилади. 
Иккинчи босқичда
– 
оператив (жарроҳлик) усуллари билан анатомик 
ўзгаришларни бартараф қилиб, ЧПЖБ фаолиятини тиклаш кўзда тутилади. 
Боланинг ёши, касаллик шакли (иккиламчи остеоартроз, анкилоз) босқичи 
тишлам тўрини (сут тишлари, алмашинув, доимий) эътиборга олиб, операция 
вақтида жағларни янги ҳолатда маҳкамлаш усули режаси тузилади. Иккиламчи 
345 

---

остеоартроз ва анкилоз хасталикларида жарроҳлик аралашуви касаллик шакли ва 
боланинг ёшидан катъи назар, бир хил бажарилади.
Операция эндоназотрахеал (бурун йўли орқали эндоскоп билан киритилган 
най орқали) наркоз остида ўтказилади. Пастки жағ шохининг 1/3 қисмида 
кўндаланг остеотомия ўтказилади, жағ суяги пастга силжитилади ва шакли 
бузилган бўғим бошчаси атрофидаги ўзгарган суяк тўқимаси ва тож ўсиғи 
ажратилиб олиб ташланади. Икки томонлама остеоартрозда, шу операция 
иккинчи томонда ҳам бажарилади. Эркин қолган пастки жағ олдинга чиқарилиб, 
(гиперкоррекция ҳолатида) ушлаб қолиниши лозим. Бунинг бир неча усуллари 
бор. 
Биринчи усул
– 
тортиб чиқариш усули бўлиб, одатда, кичик ёшдаги, яъни 
2-
3 ёшгача бўлган болаларда бажарилади. Операция вақтида жағ бурчагида тешик 
очилиб, сим ўтказилади. Палатада болани чалқанча ётқизиб, сим блоклар тизими 
ёрдамида (200-1000 гр ча) керакли ҳолатга етгунча тортилади. Керакли ҳолатни 
олгандан сўнг, тишга милк усти (Вебер ёки Ванкевич) шинаси тақилади. Бундай 
шиналар оғизни очиб-ёпишига силжишига халақит бермайди.