Оғиз бўшлиғи аъзолари ва юз-жағ соҳалари тўқималарини

Медикаментоз (дори–дармонлар билан) даволаш:
яллиғланишга қарши 
ностероид препаратлар: ацетилсалицилат кислотаси, натрий салицилат, 
салициламид, бутадион, индометацин, ибупрофен, диклофенак, вольтарен, 
кетонал қўлланилади. Бу препаратларни қабўл қилишга қарши кўрсатма мавжуд 
бўлса, салицил кислота ҳосилалари буюрилади. Касаллик ривожланишида 
инфекция ўрин тутган ҳолларда, антибактериал даволаш тайинланади. 
Сурункали артрит:
(Artritis articulationis temporomandibularis chronica).
Сурункали артрит болаларда аста-секинлик билан ривожланади ва 
ўспиринлик даври (12-15 ёш) да намоён бўлади. 
Шикоятлар:
эрталаб уйғонгандан сўнг беморларда ЧПЖБ да таранглик, 
оғирлик, бўғим ҳаракатлари вақтида кучаювчи оғриқ, “қирсиллаш”, бош оғриғи, 
қулоқларда шанғиллаш, эшитишнинг пасайиши, гоҳида оғиз қуриши ёки тилнинг 
гўё куяётгандек ачишиши каби симптомлар кузатилади. 
Клиник манзараси:
Юз симметрияси сақланган. Пайпаслаганда бўғимлар 
соҳаси ва атрофи бир оз оғриқли. Ташқи (қулоқ) эшитув йўли орқали бармоқ 
билан пайпаслаб текширув ўтказилганда, бўғим чуқурчасида шакли ўзгарган 
бўғим бошчасининг ғирчиллаётганини сезиш мумкин. Энгак соҳасига босим 
ўтказилса, бўғимдаги оғриқ кучаяди. 
Рентген тасвирида:
бўғим тирқиши (экссудатив жараён кечаётган бўлса) 
кенгайганлиги ёки ҳар хил кўринишда (продуктив равишда кечаётган жараён 
туфайли) торайганлигини кўриш мумкин. 
ЧПЖБ сурункали артрити қуйидаги клиник белгилар асосида 
ташхисланади: 
касалликка хос шикоятлар:
– 
уйқудан сўнг бўғимда кузатиладиган таранглик, оғиз очаётганда бир оз 
оғриқ ва “қиртиллаш”, бош оғриғи, қулоқ шанғиллаши, эшитишнинг пасайиши, 
оғиз қуриши ва тилнинг худди куйгандек ачишиб оғриши. 
337 

---

– 
обьектив кўрикда – ЧПЖБ пайпасланганда оғриқ сезилади ва энгак 
соҳасига босим ўтказилса, оғриқнинг кучайиши кузатилиши мумкин.