Оғиз бўшлиғи аъзолари ва юз-жағ соҳалари тўқималарини

Даволаш:
Болаларда юқори жағ синишлари аксарият ҳолларда бош 
миянинг ёпиқ жароҳати билан биргаликда юзага келиши туфайли даволаш 
режасини невропатолог, нейрохирург мутахассислар билан ҳамкорликда тузишни 
328 

---

тақазо этади. Юқори жағ синишида бош мия чайқалиши кузатилса, бола 
стационарга (камида 4 кунга) ётқизилиши шарт, кўрсатмалар мавжуд бўлса, 
тинчлантирувчи, ухлатувчи дорилар ичирилади, мушак орасига 25% MgSO
4
магнезий сульфат 2,5% лазикс эритмалари; вена ичига томчилаб 10% кальций 
хлорид, 40 % глюкоза эритмаси юборилади. Юмшоқ тўқималар ва суякда 
йирингли яллиғланиш ривожланиши ҳамда бола организми заҳарланишининг 
олдини олиш учун антибактериал, дезинтоксикацияловчи ва шунингдек, 
реактивликни оширувчи дори воситалари киритилади. 
Бола етарлича даражада қувватланиши учун оқсил, витамин ва 
минералларга бой овқатларни мунтазам равишда истеъмол қилиши лозим. 
Маҳаллий даволаш режаси, жароҳат олган боланинг умумий ҳолатини 
ҳисобига олган ҳолда тузилади. 
Дастлабки кўрикдан сўнг, юз-жағ соҳаси жарроҳи, педиатр, невропатолог 
ва анестезиолог бошқа мутахассислар иштирокида боланинг умумий аҳволига 
баҳо бериб, (жоиз бўлса, умумий оғриқсизлантириш остида), бирламчи 
жарроҳлик ишловининг ҳажми аниқланади. Бирламчи жарроҳлик ишлови 
давомида ярада тафтиш ўтказилади, майда бўлаклар ва ёт жисмлар олиб 
ташланади. Синган суяклар репозиция қилиниб махкамланади, юмшоқ 
тўқималарга қаватма-қават чоклар қўйилади. Бўлакларни жарроҳлик усули 
ёрдамида маҳкамлашга кўрсатма бўлса, остеосинтез операцияси ўтказилади. 
Юқори жағ суяги синишидан қатъий назар, синган бўлак синиш чизиғидан юқори 
соҳага, бош суягининг қимирламайдиган қисмига маҳкамланади. Юқори жағ бир 
жойидан синганда, иккала жағ тишларига симдан букилган шина ўрнатилади ва 
улар бир бирига маҳкамланади. Лефор бўйича пастки типдаги синишда 
ортодонтик аппаратлар, Ванкевич, Порт шиналари, индивидуал шина қошиқ оғиз 
ташқарисидаги мослама воситасида бошдаги боғламга маҳкамланади. 
Асоратлар:
йирингли яллиғланиш, абсцесс, флегмона, остеомиелит, 
синуситлар, менингит, сепсис, медиастенит, кеч асоратлар–(прикус) тишлам 
деформацияси, юз ўрта зонаси шаклининг бузилиши, гайморит, тишлар чиқиш 
жараёнининг кечиқиши кабилардан иборат. 
329 

---

Юқори жағ соҳаси жароҳатланган болалар диспансер (жарроҳ, ортодонт ва 
болалар стоматологи) назоратида бўлишлари керак.