Оғиз бўшлиғи аъзолари ва юз-жағ соҳалари тўқималарини

Клиник белгилари:
болаларда жағ ўткир травматик остеомиелити ўткир 
одонтоген остеомиелитдан фарқли равшида очиқ суяк ярасида кечади, ҳосил 
бўлган экссудат бевосита оғиз ичи ва атрофдаги тўқималарга тарқалиб, регионар 
абсцесс, флегмона, лимфаденит, аденофлегмоналар ривожланишига олиб келади. 
Травматик остеомиелит одонтоген остеомиелитдан экссудатнинг тарқалиш 
йўллари билан фарқланади. Заҳарланиш белгилари, ҳамда маҳаллий ўзгаришлар 
сезиларли даражада ифодаланган бўлмайди. Секин ривожланган касаллик 
белгилари жароҳат билан узвий боғлиқлиги аниқланса, травматик остеомиелит ўз 
вақтида ташхисланади. Шунинг учун синган суяк атрофидаги тўқималарда 
яллиғланиш (абсцесс, флегмона, лимфаденит) жараёни ривожланган ҳолатларни 
ўткир ёки сурункали травматик остеомиелитнинг клиник кўриниши деб баҳолаш 
лозим. 
Айрим ҳолларда юмшоқ тўкималарда травматик остеомиелитга хос бўлган 
ўткир йирингли ўчоқлар ривожланмай, яллиғланиш жараёнлари суст кечиб, 
синиш чизиғи ва олинган тиш ўрнида оқма йўл шаклланиши мумкин. 
2–
3 ҳафтадан сўнг рентгенологик текширув ёрдамида суякда деструкция 
ўчоқлари ва майда секвестрлар мавжудлиги аниқланади.
326 

---

Сурункали травматик остиомиелитни ташхислаш мураккаб эмас. Суст 
кечаётган деструктив ва пролифератив жараёнлар натижасида жағ суяги 
қалинлашади. Патологик жараёнлар соҳасида жойлашган тиш куртаклари 
зарарланиб, нобуд бўлади (некрозга учрайди). 
Оғиз бўшлиғига оқма йўл очилиб, йиринг ажралади. Рентген тасвирида 
суяк қобиғидан ҳосил бўлиб, синган бўлакларни (синиш чизиғини) ўраб олган 
“ёш” суяк тўқимасини кўриш мумкин. Суяк бўлакларининг четлари емирилиб, 
синиш чизиғининг аниқ тасвири йўқолади. Шикастланган доимий тиш куртаги 
атрофида суякда деструктив ўзгаришлар кечиб, у ўзининг аниқ чегарларини 
йўқотади.