Оғиз бўшлиғи аъзолари ва юз-жағ соҳалари тўқималарини

Тиш илдизининг синиши. 
Аксарият, доимий фронтал тишларда учрайди. 
Сут тишлар илдизларининг синишлари ( илдиз ва альвеоляр ўсиқ тузилишидаги 
ўзига хос ҳусусиятлар боис) деярли учрамайди. 
Доимий тишларнинг синишлари: қия, кўндаланг, парчаланган ва аралаш 
бўлиши мумкин. 
Шикоятлар:
Тишдаги қимирлаш оғриқ тишланганда оғриқ кучайиши, 
шунингдек, милкдаги шишга бўлиши мумкин. 
Клиник манзараси:
синиш чизиғи тиш илдизининг қайси қисмидан 
ўтганлигига, пульпанинг очилиб қолиши ва бўлаклар ҳолати (силжиши)га боғлиқ.
Илдизи синган айрим тишларнинг тож қисми, пульпасига қон қуйилгани боис, 
пушти ёки қизғиш тус олади. Синган тиш қимирлаб қолади, синиш чизиғи илдиз 
учига қанча яқин бўлса, қимирлаш даражаси шунча кам бўлади. Чап қўл 
кўрсаткич бармоғини илдиз проекциясига қўйиб, тиш тожини сагиттал (олд-орқа) 
текисликда қимирлатиб, тишнинг синиш соҳасини аниқлаш мумкин. Агар тиш 
илдизи синмаган бўлса, унинг илдиз бутун бўйлаб қимирлаши тишнинг қисман 
(тўлиқ бўлмаган ) чиқишидан далолат беради. 
Аниқ ташҳис (дентал) рентгенологик текширувдан сўнг қўйилади. Одатда, 
синиш чизиғи аниқ кўринади ва шунга асосланиб даволаш режаси тузилади. 
Жағ суяклари жароҳатлари 
Болаларда жағ суякларининг синиши ва битиши уларнинг ёши катталаша 
боргани сари анатомик – топографик тузилишидаги ҳусусиятларининг ўзгариб 
бориши билан боғлиқ: юқори ва пастки жағларда сут тишлари ва доимий тишлар 
куртаклари ҳамда ўсиш зоналарининг борлиги, уларнинг мустаҳкам 
бўлмаганлиги, ғовак модданинг кўплиги, кортикал қатламнинг юпқалиги, 
суякнинг кучсиз минералланганлиги уларни катталар суяги тузилишидан ажратиб 
туради. 
Болалар юз-жағ суяклари эластиклик, яъни эгилувчанлик ҳусусиятига эга. 
Суяк қобиғи (periosteum) қон-томирлари қалин тури билан яхши таъминланган ва 
чўзилувчан бўлиб, механик куч таъсирига чидамлидир. 
315 

---

Кичик ва мактабгача бўлган ёшдаги болаларда айнан шу ҳусусиятлар 
суякларни ҳимоялайди ва, бинобарин,болалар нисбатан кўп йиқилиб, урилсалар 
ҳам, ҳар гал синишлар содир бўлавермайди.