Оғиз бўшлиғи аъзолари ва юз-жағ соҳалари тўқималарини

Клиник манзараси:
Бўғим ўсиғи синишининг клиник манзараси 
бўлакларнинг силжишига боғлиқ. Суяк қобиғи остидан синишда дастлабки 
кунларда клиник белгилар сезилмайди. Бир неча кундан сўнг, бўғим атрофидаги 
юмшоқ тўқималарда шиш (аввал юмшоқ, кейинчалик қаттиқ) пайдо бўлиб, 
бўғимда оғриқ кузатилади, жағ ҳаракати чегараланади ва оғиз асимметрик 
равишда, яъни (жағ бир томонга силжиб) очилади. 
Синган бўғим бошчаси силжиган бўлса ташқи эшитув йўли орқали 
пайпаслаб кўрилганда, унинг ҳаракатини аниқлаб бўлмайди. Бўғим ўсиқлари 
иккала томонда ҳам синиб, катта бўлакнинг пастга ва орқага силжиб қолиши 
сабабли оғиз ёпилмайди ва пастки жағнинг охирги тишлари юқори жағнинг 
охирги тишлари билан жипслашади. Оғизни ёпишга ҳаракат қилинганда (очиқ 
окклюзия) сагиттал ва фронтал текисликларда оралиқ кузатилади. 
Пастки жағнинг чиқиши
болаларда оғизни жуда катта очиш, (бақириш, 
катта бўлакни тишлаш, қўсиш, тиш олиш) вақтида юз бериши мумкин. Бунга 
бўғим пайлари ва капсуласининг туғма ёки орттирилган заифлиги мойиллик 
туғдиради. Одатда, астеник конституцияга эга бўлган болаларда кузатилади ва бу 
ҳолат чакка пастки жағ бўғимининг дисфункцияси ҳамда бўғим таркибий 
319 

---

қисмлари ( юмшоқ тўқима ва суяклар) нинг ўсишидаги диспропорцияси билан 
боғлиқ. 
Бўғим бошчасининг чиқиши травматик ва одатий, тўлиқ, нотўлиқ (чала), 
бир ёки икки томонлама бўлади. 
Бўғим бошчаси чиқиб олдинга, орқага ва ёнга силжиши мумкин. Бўғим 
бошчаси чиқиб, олдинга силжиганда оғиз катта очилади ва бола оғзини ўзи ёпа 
олмайди. 
Бўғим бошчалари икки томонлама чиққан ҳолларда, бола оғзини ёпа 
олмайди (очиқ прикус), ютина олмайди, гапиришга қийналади, оғиздан сўлак 
оқади. 
Пастки жағда 
патологик синишлар
бўлиши мумкин. Бунга 
жароҳатланишгача бўлган даврда суякда кечган патологик жараён (остеомиелит, 
ўсма ва ўсмасимон ҳосилалар) сабабчи бўлади.