Оғиз бўшлиғи аъзолари ва юз-жағ соҳалари тўқималарини

Рентген тасвирида
пастки жағда,овал шаклдаги чегаралари нотекис, нур 
ютиш интенсивлиги паст ҳосила аниқланади. Кортикал суякда емирилиш ўчоқла-
ри, суякда кечаётган деструктив жараён жағ қиррасини юпқалаштирган бўлса, шу 
билан параллел равишда кечаётган реактив остеогенез ҳисобига “шокилали” ( 
игнали)периостит кузатилади.Юқори жағнинг десмопластик фибромасида рант-
ген тасвирида чегаралари аниқ бўлмаган соя (дестркутив ўзгаришлар) кузатилади. 
Даволаш
жарроҳлик усулида – тўлиқ ёки қисман резекция қилиш йўли 
билан бажарилади. 
505 

---

Суякланувчи фиброма
– 
фақат жағ суякларида ўсганлиги учун одонто-
ген ўсмалар гуруҳига киритилади. Аммо ушбу ўсма ривожланишининг одонтоге-
нез жараёни билан боғлиқлиги йўқ. Аксарият катта ёшдаги ўғил болаларда 
учрайди. 
Беморлар ёки уларнинг ота–оналари аста-секин катталашаётган шишга 
шикоят қиладилар. 
Клиник манзараси:
монооссал фиброз дисплазияга ўхшаш, аммо ундан 
тезроқ ўсади. Ўсма соҳасида жойлашган тишлар силжийди. Оғриқ безовта қил-
майди, кортикал суяк юпқалашиб, пайпасланганда крепитация (ғирчиллаш) сези-
лади. 
Рентген тасвирида
суякда чегаралари аниқ бўлган деструкция ўчоғи 
унинг атрофида остеосклеротик ҳалқа кузатилади. Деструктив жараён соҳасида 
кўплаб майда калцификатлар соялари кўринади. 
Даволаш –
ўсма радикал операция қилиш йўли билан олиб ташланади. 
 
 
Юз суякларининг ўсмасимон ҳосилалари 
Фиброз дисплазия
– 
Брайцев–Лехтейнштейн касаллиги, суяк 
ривожланишининг дизонтогенетик (биологик жиҳатдан чин ўсмаларга яқин) 
нуқсони бўлиб, хавфсиз ўсмалар сирасига киради.Фиброз дисплазия ўғил ва қиз 
болаларда баробар учрайди, бошқа туғма нуқсонлар билан биргаликда учраши 
ҳам мумкин. 
Бу касалликда суяк тузилишида иштирок этувчи барча таркибий қисмлар 
бўлади, аммо суякнинг етук тўқимагача ривожланиши (дифференциацияси) 
остеобласт, остеокласт ва фиброз тўқима ҳужайраларининг кўпайиши биринчи 
босқичдан бузилади ва шу сабабдан суяк тўқимасининг шаклланиши тугалланмай 
қолади. Касаллик мактаб ёшида намоён бўлиб, 16 ёшгача прогрессив равишда 
ўсади, кейинчалик ўсишдан тўхтайди. Ўсишида иммун – эндокрин 
тизимларининг тикланиши билан боғлиқлик бор. Тарқалганлик даражасига кўра 
ўсма: моно–полиоссал, Олбрайт синдроми ва херувизм шаклларига бўлинади. 
506 

---