Оғиз бўшлиғи аъзолари ва юз-жағ соҳалари тўқималарини

Даволаш –
жараён чегараланган бўлса, соғлом тўқималаргача қириб (кю-
ретаж қилиб) ташланади. Касаллик қайталаса ёки тарқалган шаклда намоён бўлса, 
рентгенотерапия ва (цитостатиклар) кимётерапия билан ўтказилади. 
ОДОНТОГЕН ЎСМА ВА ЎСМАСИМОН ҲОСИЛАЛАР 
Амелобластома (адамантинома)
– 
тиш эпителийсидан ҳосил бўлган ўсма. 
Тузилиши буйича тиш куртакларини ҳосил қилувчи эмал аъзога ўхшаш. Ўсмани 
тиш пластинкасининг эпителийсидан, тиш халтачасидан, Малляссе тугунчалари-
дан ривожланиши таҳмин қилинади. Одонтоген кистанинг неопластик ўзгари-
шлари оқибатида ҳам амелобластома ривожланиши эҳтимоли бор деган фикрлар 
билдирилган. Ўсма асосан 7–10 ёшдан ошган болаларда учрайди. 
Одонтоген ўсмалар орасида адамантинома ўрганилган. Профессор Н.Н. 
Мазалова 1950–1980 йиллар давомида 84 беморни даволаб кузатган. Унинг ёзи-
шича, бу касаллик аста-секинлик билан, узоқ вақт безовта қилмасдан, ҳар қандай 
ёшда ривожланади, радикал равишда даволашни талаб этади, рецидив беради 
(қайталанади), шунингдек, хавфли ўсмага ўтиши ва метастазлар бериши мумкин. 
509 

---

Н.Н. Мазалованинг кузатувида бўлган 5 ёшли болада ва 76 ёшдаги кекса беморда 
адамантинома ривожланганлиги қайд этилган. 
Кузатувдаги 84 бемордан 77 тасида ўсма пастки жағ танаси ва бурчак 
соҳасида жойлашган бўлиб, 84 бемордан 15 тасини (17,8%) 7–16 ёшдаги болалар 
(12 ўғил, 3 қиз) ташкил қилган, 14 нафар болада ўсма юқори жағда, 1 болада – 
пастки жағларда бўлган. Бола жағидаги шишни кўрганларидан кейин ҳам ота–
оналари 2 ҳафтадан 10 ойгача вақт ўтказиб, сўнг шифокорга мурожаат этишган. 
Оғриқ бўлмаганлиги учун, фақат шиш юз шаклини сезиларли ўзгартирадиган да-
ражада катталашганидан кейингина врачга мурожаат қилишга қарор қилганлар. 
Шикоятлар –
Бемор ёки унинг ота–онасини дастлаб юзда шиш 
мавжудлиги, чеҳранинг ўзгариши безовта қилади ҳолос.