Оғиз бўшлиғи аъзолари ва юз-жағ соҳалари тўқималарини

Клиник манзараси:
– 
Шиш ҳисобига юз симметрияси бузилади ва шишни 
қопловчи юмшоқ тўқималар ҳамда терининг ранги ўзгаришсиз бўлади. Пайпас-
ланганда, жағ танасининг калава моккисидай қалинлашганлиги сезилиб, устки 
юзаси баъзан текис, гоҳида ғадир-будур бўлиши мумкин. Ўсма соҳасида альвео-
ляр ўсиқ ҳам икки томонга кенгайган. Тишлар ҳар томонга силжиб, қимирлаб 
қолади, перкуссия қилинганда бўғиқ товуш чиқади, болаларда тишларда оғриқ 
бўлади. Ўсма дастлабки босқичларда аниқланиб,бемор даволанмаса, ўсма 
жағнинг кортикал қатламини ёриб, юмшоқ тўқималарга чиқади. 
Юқори жағ суягида жойлашган адамантинома юқори жағ ва бурун 
бўшлиқлари ҳамда кўз косасини эгаллаши, шунингдек, альвеоляр ўсиқ ва қаттиқ 
танглайга ҳам ўтиши мумкин. 
Амелобластоманинг хавфли ўсмага ўтиш ҳоллари адабиётларда келти-
рилган. Яллиғланиш аломатлари бўлмаган ҳолда регионар лимфа тугунларининг 
катталашиши ўсманинг хавфли шаклга ўтганлигидан далолат беради.
Рентгенологик тасвирига
кўра, амелобластоманинг яхлит (солид), якка 
кистали (монокистоз) ва кўплаб кистали (поликистоз) шакллари ажратилган. Ўсма 
жағ суягида чегараси аниқ бўлган бўшлиқ (деструкция) шаклида кўринади. Ўсма-
нинг рентген тасвирида жағ суягининг ташқи ва ички кортикал қатламлар бир-
бирини суриб, жағ қирраси соҳасида бирлашиб кетганлиги кўзатила-
510 

---

ди.Поликистоз шаклдаги ўсманинг рентген тасвирида кўплаб ҳар хил ҳажмдаги 
“совун кўпиги пуфакчалар” ига монанд кисталар (бўшлиқлар) эгаллаб турганли-
гини кўриш мумкин. 
Н.Н. Мазалованинг (1984) ёзишича, майда катакчалар бирлашиб, 2 ва 3 та 
йирикроқ ҳажмдаги кисталарни ҳосил қилади. Дастлаб улар орасидаги тўсиқ аниқ 
кўринади, вақт ўтиши билан бу тўсиклар юпқалашиб йўқолади. Ўсма катта 
бўшлиқни эгаллайди ва ёнига кенгайиб боради. Оқибатда, ўсма яхлит катта 
бўшлиқни эгаллайди ва кистоз шаклига ўтади. Амелобластоманинг иккала тури 
ҳам жағнинг ҳажмини катталаштиради. Юзнинг шакли сезиларли деформацияга 
учрайди, ўсма соҳасидаги тишлар ўз жойидан силжийди, илдизлари сурилиши 
натижасида қимирлаб қолади.