Оғиз бўшлиғи аъзолари ва юз-жағ соҳалари тўқималарини

Жағ ости сўлак бези кистаси 
Шикоятлар:
юқорида келтирилганидек, бошқа сўлак безлари 
кисталарига ўхшаш бўлади. 
Клиник манзараси:
Жағ остида, бурчакка яқинроқ соҳада, шиш 
аниқланади. Устидаги тери ранги ўзгармаган, пайпасланганда юмшоқ 
консистенцияли, аниқ чегарали оғриқсиз ўсма аниқланади. Пункция 
қилинганда ичидан шиллиқ суюқлик тортиб олиш мумкин. 
Қиёсий ташхис:
Жағ ости сўлак бези кистасини томирлар ўсмалари 
(гемангиома, лимфгемангиома), дермоид ва эпидермоид ҳосилалар, липома 
билан солиштирган ҳолда ўтказилади. 
Даволаш:
умумий оғриқсизлантириш остида цистотомия, катталашган 
киста жағ ости сўлак безини қамраб олган бўлса, цистэктомия, безнинг 
экстирпацияси билан биргаликда ўтказилади. 
491 

---

Қулоқ олди сўлак бези кистаси болаларда кам учрайди асосан 12-14 
ёшдаги болаларда кузатилади. 
Шикоятлар:
юзнинг бир томонида, вақти-вақти билан пайдо бўлиб, ўз 
узидан кайтувчи оғриқсиз шишга бўлади. 
Клиник манзараси:
Қулоқ олди чайнов соҳасида сезиларли шиш, усти-
даги тери ранги ўзгармаган. Пайпасланганда юмшоқ-эластик, консистенцияга эга 
чегараларини аниқлаш қийин (чунки без орасида жойлашган) бўлади. 
УТТ шиш соҳаси анэхоген, сўлак бези фаолияти бузилмаган, соглом без 
билан солиштирилганда, сўлак ажралиш микдори тенг, тиниқ бўлади. 
Даволаш
: Қулоқ олди сўлак безида жойлашаган кистанинг ҳам қобиғи ўта 
юпқа бўлганлиги сабабли ажратиб олиш қийин. Киста без орасида жойлашганда, 
юз нерви толаларини шикастлаш эҳтимоли ошади. Оғиз шиллиқ пардасига яқин 
жойлашганда операция цистотомия усулида бажарилади. 
 
Сўлак безларининг ўсмалари эпителиал, ноэпителиал ва таснифга 
тушмайдиган шаклларга бўлинади 
Полеоморф аденома
(ҳар хил морфологик структурали) 11–15 ёшда 
болаларда кўпроқ қулоқ олди ва жағ ости сўлак безларида учрайди. Секин ўсади, 
фиброз капсулага эга, метастаз бермайди. 
Одатда, сўлак бези соҳасида секин усаётган, безовта қилмайдиган шишга 
шикоят қиладилар.