Одил судлов /2019 Судьянинг онгида адолат, тилида ҳақиқат, дилида поклик бўлиши шарт

Т. УМАРОВ,
Тошкент шаҳар прокурорининг ёрдамчиси,
юридик фанлар доктори, доцент

---

ОДИЛ СУДЛОВ
1/2019
50
ФУҚАРОЛИК ҲУҚУҚИНИНГ АЙРИМ МАСАЛАЛАРИ
К
онституциянинг 36-моддасида ҳар бир шахс мулкдор бўлишга ҳақлилиги, 
банкда қўйилган омонатлар сир тутилиши ва мерос ҳуқуқи қонун билан 
кафолатланиши белгиланган.
Ворислик шахснинг вафотидан кейин унга хусусий мулк асосида тегиш-
ли бўлган мол-мулкнинг, шу жумладан мерос қолдирувчининг шахси билан 
чамбарчас боғлиқ бўлган баъзи ҳуқуқ ва мажбуриятларнинг бир ёки бир неча 
меросхўрларга ўтишидир.
Ворислик билан боғлиқ ҳуқуқий муносабатлар асосан Фуқаролик кодекси би-
лан тартибга солинади. Мазкур Кодекснинг 1112-моддасига кўра, ворислик васи-
ят ва қонун бўйича амалга оширилади. 
Васиятнома бўйича ворислик фақат мерос қолдирувчининг хоҳиш-иродасига 
асосан амалга оширилади. Қонун бўйича ворислик эса, мерос қолдирувчининг 
хоҳиш-иродаси билан боғлиқ эмас.
Қонун бўйича ворислик қуйидаги ҳолатларда вужудга келади: ворислик 
ҳақида васият мавжуд бўлмаса; васиятнома қисман ёки тўлиқ ҳақиқий эмас деб 
топилган ёки мерос мулкнинг ҳаммаси васият қилинмаган бўлса; мулкнинг васи-
ят қилинмай қолган қисмига, агар васиятнома бўйича меросхўрлар меросдан воз 
кечган ёки нолойиқ меросхўр деб топилган бўлса; мажбурий улушга эга шахслар 
мавжуд бўлса.
Мазкур ҳолатда меросни қабул қилиш қонунда назарда тутилган меросхўрлар 
навбати бўйича амалга оширилади.
Маълумот учун қайд этиш жоизки, қадимда марҳумнинг мулки тақдири асо-
сан шариат қоидаларига кўра ҳал қилинган. Жумладан, мусулмон ҳуқуқида 
вафот этган шахснинг мол-мулки шариат қоидалари ёки васият бўйича мерос 
бўлиб ўтиши, мерос очилган пайтда тирик бўлган барча қариндошлар меросхўр 
ҳисобланиши ҳамда ҳар бир меросхўрнинг ўз ҳиссасига эга бўлиши назарда ту-
тилган.
Фуқаролик кодексининг 1134-моддасига кўра, қонун бўйича меросхўрлар во-
рисликка ушбу Кодекснинг 1135–1141-моддаларида назарда тутилган навбат тар-
тибида чақириладилар.