Nizomiy nomidagi toshkent davlat pedagogika universiteti arxeologiyadan izohli lug

J
Jigattepa – janubiy Baqtriyada yunonlar yashagan shaharlardan biri. U ikki qismdan iborat bo‘lgan. Markazida ark joylashgan bo‘lib, u doira shaklida qurilgan va mudofaa devori bilan o‘ralgan. Ikkinchi qismida aholining turar joylari joylashgan bo‘lib, ular ark atrofida qurilgan, lekin ular mudofaaga ega bo‘lmagan. Shahar 20 gektar maydonni egallagan.
Milodiy I asrlarda Jigattepa shu hududning bosh shahriga aylangan. Tadqiqotlar jarayonida uning 5ta qurilish bosqichi aniqlangan. Shahar V asrda inqirozga uchragan.
Jom yodgorligi – Samarqand viloyati Nurobod tumanining Jom qishlog‘idan topilgan. Jom yodgorligida aholi mil. avv. I ming yillikning boshidan yashay boshlagan. Bu davrga oid naqshlangan va qo‘lda ishlangan sopol xumlar, kosalar topilgan.