Nizomiy nomidagi toshkent davlat pedagogika universiteti arxeologiyadan izohli lug

Kata – zardushtiylik dini e’tiqodi bo‘yicha qish paytlarida mayit saqlangan joy.
Ktesiy Knidskiy – qadimgi yunon tarixchisi mil. avv. V asrning ikkinchi yarmi va IV asrning boshlarida yashagan. U Artakserks II saroyida tabib bo‘lib ishlagan. Diodor Sitsiliyskiy xabariga ko‘ra, Ktesiy Eronda 17 yil asirlikda bo‘lgan. Shu davrda u saroyda xizmat qilgan. Mil. avv. 397- yilda ona shahri Knidga qaytib kelib, bir necha tarixiy asarlar – “Persika”, “Eron haqida kitob”, “Eron tarixi” kabi asarlar yozgan. Bu haqda Fotiy va Diodor asarlarida ma’lumotlar saqlanib qolgan.
Kenotaf – yunoncha so‘z bo‘lib, “mayitsiz qabr” degan ma’noni beradi. Turli sabablarga ko‘ra, bedarak yo‘qolgan insonlarning qabri. Kenotaf qabrlarga bedarak yo‘qolgan insonning loydan yoki matodan yasalgan mitti haykalchasi qo‘yilgan yoki uning chorva mulkidan bitta qo‘zichoq yoki taqachani odam ko‘milgandek holatda ko‘milgan.