Neft va gaz konlari geologiyasi

Rasm 3: Biogen ohaktoshning tarkibiy tuzilishi.
Biogen ohaktoshlarning yotish shakli xilma-xil -qatlamsimon, linzasimon, kolonial organizmlar (koralla, mshanka, stromatopor va boshqalar) hamda kaltsit qoldiqlari suyaklaridan tuzilgan rif tanalari va hokazolar.
Asosan rif qurilmalari braxiopoda pelesepoda igna charmli, suvut qoldiqlaridan iborat. Rif qurilmalarining maydoni katta bo'lib birdan birnecha yuz kvadrat km ga, balandligi esa 800-1000 metrgacha etadi. Hozirgi barer riflari ming kilometrgacha cho'zilgan. Biogen - chaqiq karbonat jinslari oqim va to'lqin natijasida keltirilgan materiallar hisobiga hosil bo'ladi.
Xemogen ohaktoshlar. Ular xemogen kaltsitdan iborat bo'lsa ham kaltsitli, aroganitli fauna va flora qoldiqlari ham ishtirok etadi. Xemogen oxaktoshlarda aralashma sifatida alevrit, qum, gilli zarralar yupqa dispersli ko'mirsimon organik moddalar ishtirok etadi. Geosinklinal viloyatlarda va tog'aro botiqliklarda hosil bo'lgan ohaktoshlarda chaqiq bo'laklarning miqdori govori bo'ladi. Xemogenoxaktoshlarning rangi ko'mirsimon organik moddalar hamda temir sulfidining hisobiga ko'pincha kulrang. Zarralarning tuzilishi har xil. Diagenez bosqichida mikro zarrali (pelitomorof) turlari hosil bo'ladi,keyinchalik esa chuqurlik oshgan sari qayta kristallanish natijasida yirik zarralikka aylanadi.
Metagenez jarayonida ohaktosh tuzilmasi dag'al zarrali, marmarsimon. Xemogen ohaktoshlarga xos tuzilma oolitlidir.

Rasm 4: Xemogen ohaktoshning tuzilish shakli.
Oolitlar sharsimon yoki ellipsimon tuzilma bo'lib o'lchami 0,1 - 1,0 mm, ba'zida yirikroq kaltsitdan iborat. Oolitlar markazida alevritli, ba'zida qumli zarralar hamda fauna bo'laklari bo'ladi. Qayta kristallanish natijasida oolitlar radial-nurli tuzilmali sferalitlarga aylanadi.