Нефт-газни қайта ишлаш жиҳозлари, ускуналари ва лойиҳалаш асослари

Назорат учун саволлар

1. 
   Турли жинсли аралашмалар деб нимага айтилади?
   
2. 
   Суспензия ва эмулсия нима.
   
3. 
   Нефтни тўлиқ сувсизлантириш қурилмасининг тузилиши ва ишлаш принципи.
   
4. 
   Бош тақсимлагичнинг вазифаси нимадан иборат.
   
5. 
   Рамали фильтрпресснинг ишлаш принципи, афзаллиги ва камчилиги.
   
6. 
   Барабанли вакуум-фильтр ишлаш принципи, афзаллиги ва камчилиги.
   
7. 
   Турли жинсли суюқлик аралашмаларининг ажратиш усуллари.
   
8. 
   Дегидратор нима ва унинг ишлаш принципини тушунтириб беринг.
   
9. 
   Рамали фильтр пресс ва барабанли вакуум фильтрларнинг бир- биридан фарқи афзаллик ва камчиликлари.
   
10. 
    Фильтрлаш усуллари айтиб беринг.
    
11. 
    Электр токи ёрдамида газ аралашмаларини тозалаш жарани.
    
12. 
    Электрофильтрнинг тузилиши ва ишлаш принципи.
    
13. 
    Чўктирувчи ва фильтрловчи центрфугаларнинг тузилиши ва ишлаш принципи.
    

4-МАВЗУ: НАСОС, КОМПРЕССОРЛАР ВА ВЕНТИЛЯТОРЛАР, УЛАРНИНГ ТУРЛАРИ ИШЛАШ ПРИНЦИПИ ВА УЛАРНИ ҲИСОБЛАШ АРАЛАШТИРГИЧЛАР, УЛАРНИ ТУРЛАРИ, КОНСТРУКЦИЯСИ ВА ИШЛАШ ПРИНЦИПИ
РЕЖА

1. 
   Насос ва винтиляторларни ҳисоблаш.
   
2. 
   Суюқлик аралашмаларини ажратиш. Аралаштиргичлар ва уларни турлари.
   
3. 
   Ҳаво ёрдамида совитувчи қурилмалар тузилиши ва ишлаш принципи
   

Нефтни қайта ишлаш технологиясида ишлатиладиган насосларнинг асосий турлари: марказдан қочма, поршенли ва пропеллерли (ўқли) насослардир.

Бу типдаги қурилмаларни лойиҳалашда белгиланган сарфда суюқликни насос ёрдамида узатиш учун зарур напор ва қувватни аниқлаш масаласини ечиш керак. Ушбу, яъни напор ва қувват топилгандан сўнг аниқ бир насос танланади.
Суюқликни узатиш учун сарфланаётган фойдали қувват қуйидаги формуладан аниқланади:
N_Ф =ρ ġ H Q (2.9)
бу ерда Q - суюқлик сарфи, м³/с; Н - насос напори, м. Насоснинг ўқидаги қувват қуйидаги тенглама билан топилади:
N_e=N_ф/ή_н = p ġН Q/ η_н (2.10)
Насоснинг напори эса ушбу формула ёрдамида ҳисобланади:
H=p₂-p₁/ ρġ +H_Г +h_йук (2.11)
бу ерда р₂,p₁ - суюқликнинг насосга киришидаги ва чиқишидаги босими, Па; Н_г - суюқликни геометрик кўтарилиш баландлиги, м; h сўриш ва ҳайдаш трубаларидаги йўқотилишларнинг йиғиндиси, м.
Двигатель истеъмол қиладиган қувват насос ўқидаги қувватдан ортиқроқ бўлади, чунки қувватнинг бир қисми электр двигателнинг ўқида ва электр двигателдан механик энергия насосга берилаётганда сарф бўлади, яъни
N_дв=N_e/η_двη_уз=N_ф /η_нη_двη_уз
Агарда двигательнинг ф.и.к. номаълум бўлса, номинал қувватига қараб ф.и.к. ни танласа бўлади:
2.3- жадвал

Nдв, кВт	0,4- 1	1 - 3	3-10	10-30	30 - 100	100 - 200
ηдв	0,7-0,78	0,78-0,83	0,83- 0,87	0,87-0,9	0,9-0,92	0,92-0,94

Агарда N > 200 кВт булса, двигатель ф.и.к. 0,94 га тенг бўлади.
Технологик схемага насосни ўрнатиш пайтида шуни назарда тутиш керакки, суриш баландлиги қуйидаги формуладан олинган сон қийматидан катта бўлиши мумкин эмас:
H_c=
₁/pġ-(p/pġ+w_c²/2ġ+h_cйук+h_зах) (2.13)
бу ерда р₁ - ишчи температурада узатилаётган суюқликнинг тўйинган буғи босими, Па; w - суриш трубасидаги суюқликнинг тезлиги, м/с; h-сўриш трубасида напорнинг йўқотилиши, м; h_зах бартараф қилиш учун напор заҳираси, м. Марказдан қочма насослар учун
h_зах=0.3(Q n²)^2/3 (2.14)
бу ерда п-валнинг айланиш частотаси.
Поршенли насослар учун
h=1,2 l/g f₁/f₂ u²/r (2.15)
бу ерда l - сўриш трубасидаги суюқликнинг баландлиги, м; f₁ ва f₂ - поршен ва трубаларнинг кўндаланг кесим юзаси, м²; u - айланишнинг доира бўйлаб тезлиги, с'¹; r- кривошип радиуси, м.