Нефт-газни қайта ишлаш жиҳозлари, ускуналари ва лойиҳалаш асослари

ЛЕГИРЛОВЧИ ҚЎШИМЧАЛАР ТАЪСИРИ. Муҳим легирловчи элементларга қуйидагилар киради: хром, никель, молибден, марганец, кремний, титан, ниобий, вольфрам, ванадий. Айрим ҳолларда алюминий ва мислар ҳам қўшимча сифатида пўлатларга қўшилади.
Кимёвий таркибига кўра пўлатлар углеродли ва легирланган турларга бўлинади. Бу элементлар пўлат сифатини яхшилайди ва махсус хоссали қилади.
Легирланган пўлатнинг кимёвий таркиби учун ягона шартли белгилар (ҳарф ва рақамлар) кабул қилинган.
Дастлабки икки рақам углероднинг ўртача миқдорини (конструкцион пўлат учун фоизнинг юздан бир улуши миқдорида, асбобсозлик ва зангламайдиган пўлатлар учун фоизнинг ундан бир улуши микдорида); ҳарфлар легирловчи элементларни (жадвалга каранг); ҳарфларнинг ўнг томонидаги рақамлар эса элементларнинг ўртача микдорини кўрсатади.
Пўлат компонентларининг шартли белгилари:
У* - углеродли асбобсозлик пўлатлар маркаларида. Масалан, Х18Н12М2Т маркали пўлатда 18% хром, 12% никель, 2% молибден ва 1% га якин титан борлигини кўрсатади.
ЮҚОРИ ЛЕГИРЛАНГАН ПЎЛАТ. Таркибида 18-20% хром ва 8-10% никель бўлган пўлатлар юқори легирланган пўлатлар деб юритилади. Улар коррозия ва иссиқликка бардошлиги, мустаҳкамлилиги учун турли саноатларда кенг қўлланилмоқда.
Хозирги кунда мамлакатимиз корхоналарида қурилмаларни ясашда қуйидаги легирланган пўлатлар ишатилади: 1Х18Н9Т, 1Х18НПБ Х16Н25М6, ХН35ВТ, Х22Н26, 1Х18Н12М2Т, 1Х18Н12МЗТ, Х18Н9Т ва бошқалар.
Юқорида қайд этилган пўлатларнинг физик хоссалари:
- зичлиги -7900 кг/м³;
- эриш температураси -1400 °С;
- иссиқлик ўтказувчанлиги -4-18 Вт/м-К;
- иссиқлик сигими - 0,475 - 0,650 кЖ/кг-К;
- чизикли кенгайиш коэффициенти - 17,3-10 1/К.
РАНГЛИ МЕТАЛЛАР. Кимё саноатида рангли металлардан алюминий, мис, никель, қўргошин, титан қурилмалар ясашда қўлланилади. Рангли металлардан ясалган қурилма деворларининг температураси қуйидагидан ошмаслиги керак:
Алюминий учун - 200 °С, Мис ва унинг қотишмалари учун - 250 °С, Никель учун - 500 °С, Қўргошин учун - 140 °С, Тантал учун - 1200 °С.