Нефт-газни қайта ишлаш жиҳозлари, ускуналари ва лойиҳалаш асослари

ПЛАСТМАССАЛАР - юқори коррозион бардошликка ва мустаҳкамликка эга янги конструкцион материалдир. Пластмассаларни ишлаб чиқариш жараёнида мустаҳкамлигини, кайишкоклигини, рангини, юмшаш температурасини, иссиқлик ўтказувчанлигини яхшилаш ва арзонлаштириш мақсадида унга пластификатор, тўлдирувчи, ранг берувчи моддалар кушилади.
Хамма пластмассалар 2 гуруҳга бўлинади:
1) термопластлар; 2) реактопластлар.
Термопластлар иситилганда юмшаш, совитилганда қотиш хоссасига эга ва бу жараённи бир неча марта қайтарса бўлади.
Реактопластлар эса, иситилганда эрийди ва маълум бир температурагача қиздирилса - қотиб қолади ва қайта юмшамайди, эримайди.
ШИША ПЛАСТИКЛАР - полиэфир смолалар ва шиша толаларидан ташкил қилинган сунъий материал. Ундан йирик, ўлчамлари катта дистилляцион колонналар, скрубберлар, омборлар, диаметри 4,5 м, баландлиги 6 м ли идишлар ясаш мумкин. Шиша пластиклар 20°С ёки ундан озгина юқори температурада қиздирилса, полимеризация бўлади.
ФТОРОПЛАСТ-4. Қайишкоклиги юқори, электр токни ўтказмайдиган, иссиқликка чидамли, -200+500°С температурада ишлатилиши мумкин. Кимёвий муҳитларга ўта чидамлилиги, унинг яхши хоссаларидан биридир. Бу кўрсаткич буйича пластмассалар, Аl, Р1, эмаль, махсус қотишма ва бошқа материаллардан устундир.
Фторопласт-4 дан ҳар хил қалинликдаги листлар, трубалар, юпқа деворли цилиндрик идишлар, мембраналар, сильфонлар ва бошқа турли маҳсулотлар тайерлаш мумкин.
Айникса, қурилмалар учун қистирма сифатида фойдаланишда унга тенг келадиган материал йўкдир.
Тўлдирувчисиз пластмассаларнинг чидамлилиги қуйидаги хоссалар билан характерланади:
1. Пенопластлар паст концентрацияли кислота, эритмаларга нисбатан чидамли. Аммо, Н₂SО₄, концентрланган ишқорларга бардош бера олмайди;
2. Шиша пластиклар бензин, метанол, бутанол, этил ацетат, 10% ли азот, фосфор ва водород хлорид кислоталарга нисбатан чидамли;
3. Фторопластлар хамма кислота ва ишқорларга нисбатан паст ва юқори температураларга чидамли.
Аммо, натрий ёки калий, фтор ва учламчи фтор хлоридлар таъсирида емирилади.
Пластмассаларни металлар билан таккослаш шуни кўрсатадики, пластмассалар бир неча афзалликларга эга:
а) солиштирма огирлиги кичик; б) солиштирма мустаҳкамлиги юқори;
в) технологик хоссалари яхши; г) коррозион бардошлилиги юқори.