Назорат иши топшириқларининг асосий мақсади

Ўзбекистон Республикаси Олий ва ўрта махсус таълим вазирлиги Низомий номидаги Тошкент давлат педагогика университети Махсус сиртқи бўлим “Олигофренопедагогика” кафедраси «Мактабгача олигофренопедагогика» фанидан махсус сиртқи бўлим талабалари учун сессия оралиғи назорат ишлари ТЎПЛАМИ Тошкент-2019

Махсус сиртқи бўлим талабалари учун
«Мактабгача олигофренопедагогика» фанидан сессия оралиғи назорат иши топшириқлари


Фан:Мактабгачаолигофренопедагогика


Мавзулар:

1. 
   Мактабгача ёшдаги ақли заиф болаларнинг ривожланиш хусусиятлари (психолого-педагогик тавсиф)
   
2. 
   Мактабгача ёшдаги ақли заиф болалар билан олиб бориладиган коррекцион-тарбиявий ишларни ташкил этиш усуллари, шакллари ва тамойиллари
   

Назорат иши топшириқларининг асосий мақсади: Махсус мактабгача таълим муассасаларида ақли заиф болаларни ўқитиш, тарбиялаш хусусиятларини ўрганиш, талаба мактабгача ёшдаги ақли заиф болалар билан коррекцион таълим-тарбия жараёнини ташкил этиш, шакллари ва усулларини тўғри танлай олиш, машғулотларда ақли заиф болалар нуқсонларини коррекциялаш, махсус адабиётларни таҳлил этиш, машғулотлар учун дидактик материалларни танлаш, кундалик, чорак, йиллик режа тузишни ўрганиш, машғулотлар ишланмаларини тайёрлаш, машғулотларни таҳлил қилиш ва ҳужжатлаштиришни амалга оширишни ўрганиш.


Назарий маълумотлар

Талабалар онгида педагогика, психология, махсус педагогика, мутахассислик ва махсус фанлар бўйича олган билимларининг яхлит мужассамлашган моделини шакллантириш, уларни чуқурлаштириш амалда синаб кўриш мақсадида «Мактабгача олигофренопедагогика” фани бўйича сессия оралиғи назорат иши топшириқлари тақдим этилади. Талабаларнинг «Мактабгача олигофренопедагогика” фанидан олган назарий билимларини амалда қўллаш ва синаш, уларни келгуси ўқитувчилик фаолиятида керак бўлган асосий режалаштирувчи (ўқув – меъёрий) ҳужжатлар мазмуни билан таништириш, уларни ишлаб чиқиш бўйича билим, амалий кўникма ва малакалар билан қуроллантириш мазкур тайёрланган сессия оралиғи назорат иши топшириқлари тўпламида ўз аксини топган.

Талабалар ««Мактабгача олигофренопедагогика » фанидан сессия оралиғи назорат иши топшириқларини бажариш жараёнида қуйидаги ҳужжатлар билан танишиб, уларни ўрганиб чиқишади айримларини ўзлари тузишни ўрганишади.
««Мактабгача олигофренопедагогика” фанида талабалар ақли заиф болалар учун махсус мактабгача таълим муассасаларининг мослаштирилган Давлат таълим талаблари , ақли заиф болалар учун махсус мактабгача таълим муассасаси дастури, дефектологларнинг машғулот ўтиши учун зарур бўладиган барча ҳужжатлар мазмуни билан танишадилар ва уларни ишлаб чиқадилар.