Nazariy savollar. Bir qancha jinoyat sodir etish va uning ahamiyatini muhokama eting

Kazus bo‘yicha savollar:

A. ismli shaxs tomonidan sodir qilingan qilmish tarkibini tahlil qiling, jinoyatni tamom bo‘lish vaqtini hamda jinoyatning ijtimoiy xavflilik darajasini aniqlang.

A ismli shaxsning qilmishi hamda yuz bergan oqibat o`rtasidagi sababiy bog`lanishni alohida tahlil qiling.
A. ismli shaxs tomonidan sodir etilgan qilmishni tahlil qiling.
A. ismli shaxs tomonidan sodir qilingan qilmish uchun JKning umumiy qismi qoidalari asosida jazo tayinlang.
A. ismli shaxs tomonidan sodir qilingan jinoyati uchun tayinlangan jazodan muddatidan ilgari shartli ozod qilish qoidalarini qo‘llash masalalarini tahlil qiling.
A. ismli shaxsning sodir etgan jinoyati uchun sudlanganlik holatini bekor bo‘lishi masalalarini yoritib bering.
Javob
Yuqoridagi ijtimoiy xavfli qilmish tarkibi:
Subyekt: A ismli shaxs
Subyektiv tomon: Qasddan
Obyekt: Inson hayoti
Obyektiv tomoni: inson hayoti uchun xavfli jinoyat(ijtimoiy xavfli qilmish).
Jinoyat moddiy tarkibli jinoyat hisoblanganligi sababli oqibat kelib chiqqan vaqtda jinoyat sodir etilgan deb topiladi.
JKning 15-moddasiga asosan ushbu ijtimoiy xavfli qilmish ijtimoiy xavfi katta boʻlmagan jinoyat hisoblanadi:
Ijtimoiy xavfi katta bo‘lmagan jinoyatlarga qasddan sodir etilib, qonunda uch yildan ko‘p bo‘lmagan muddatga ozodlikdan mahrum qilish tarzidagi jazo nazarda tutilgan jinoyatlar, shuningdek ehtiyotsizlik oqibatida sodir etilib, qonunda besh yildan ko‘p bo‘lmagan muddatga ozodlikdan mahrum qilish tarzidagi jazo nazarda tutilgan jinoyatlar kiradi.
Moddiy tarkibli jinoyat obyektiv tomonining zaruriy belgilaridan yana
biri – sababiy bog‘lanish – sababni ifodalovchi ijtimoiy xavfli qilmish
hamda natijani ifodalovchi ijtimoiy xavfli oqibat o‘rtasidagi aloqadir.
Ta’kidlash joizki, jinoyat qonuni bilan sababiy bog‘lanish
aniqlanmagan. JKda sababiy bog‘lanishni ifodalovchi oddiy atama
«yetkazish» hisoblanadi. Yuqoridagi holat boʻyicha JK 117-moddasiga (Xavf ostida qoldirish) asosan «nobud qilish yoki zarar yetkazish» yoki oʻlimga olib keluvchi soʻzlar bilan ifodalanishi mumkin. Ushbu holatda sababiy bogʻlanish A
tomonidan oʻz chaqalogʻini xavf ostida qoldirishi sababli it tishlashi natijasida oʻlishi hisoblanadi.
A sodir etgan jinoyat JKning maxsus qismida nazarda tutilgan 117-modda 2-qismiga koʻra "Hayoti yoki sog‘lig‘i xavf ostida qolgan va o‘zini o‘zi himoya qilish imkoniyatidan mahrum bo‘lgan shaxsga yordam ko‘rsatmaslik, basharti, aybdor bunday ahvoldagi shaxsga yordam berishi shart va bunday imkoniyatga ega bo‘lsa yoxud aybdorning o‘zi jabrlanuvchini xavfli ahvolga solib qo‘ygan va bu hol O‘sha qilmish odam o‘lishiga sabab bo‘lsa, —ikki yilgacha axloq tuzatish ishlari yoki bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi."
A ga nisbatan umumiy qismda nazarda tutilgan 46-modda. Axloq tuzatish ishlari
Axloq tuzatish ishlari shaxs ish haqining o‘n foizidan o‘ttiz foizigacha miqdorini davlat daromadi hisobiga ushlab qolgan holda uni mehnatga majburan jalb qilishdan iborat bo‘lib, jazo sudning hukmiga muvofiq mahkumning o‘z ish joyi yoki mazkur jazo ijrosini nazorat qiluvchi organlar belgilab beradigan boshqa joylarda o‘taladi.
Axloq tuzatish ishlari olti oydan uch yilgacha muddatga tayinlanadi.
Axloq tuzatish ishlari pensiya yoshiga yetganlarga, mehnatga qobiliyatsizlarga, homilador ayollarga, uch yoshga to‘lmagan bolalari bor ayollarga va harbiy xizmatchilarga nisbatan qo‘llanilmaydi.Agar shaxs sud tomonidan tayinlangan axloq tuzatish ishlari muddatining jami bo‘lib o‘ndan bir qismidan ko‘prog‘ini o‘tashdan bo‘yin tovlasa, sud axloq tuzatish ishlarining o‘talmagan muddatini xuddi shu muddatga ozodlikni cheklash yoki ozodlikdan mahrum qilish tariqasidagi jazo bilan almashtiradi. Jazoni o‘tashdan bo‘yin tovlagan vaqt jazoning o‘talgan muddatiga qo‘shib hisoblanmaydi.