Nazariy savol. Ma'muriy huquqning predmeti, sub'ekti va manbalari

Ma’muriy huquqning keng tarqalgan manbalaridan yana biri — bu O'zbekiston Respublikasining qonunlaridir. Bularga misol qilip quyidagi Qonunlarni aytishimiz mumkin: 0'zbekiston Respublikasining 2003-yil 29-avgustda qabul qilingan "VAZIRLAR MAHKAMASI TO‘G‘RISIDA"gi Qonuni⁶, O'zbekiston Respublikasining 1993-yil 2-sentabrda qabul qilingan "MAHALLIY DAVLAT HOKIMIYATI TO‘G‘RISIDA"gi QONUNini⁷, O'zbekiston Respublikasining 1997-yil 29-avgustda qabul qilingan "DAVLAT SOLIQ XIZMATI TO‘G‘RISIDA"gi QONUNini⁸, O'zbekiston Respublikasining 1997-yil 29-avgustda qabul qilingan "DAVLAT BOJXONA XIZMATI TO‘G‘RISIDA"gi QONUNI⁹ va boshqa manbalarni o'z ichiga oladi.
Ma’muriy-huquqiy normalar O'zbekiston Respublikasi Prezidenti, O'zbekiston Respublikasi Vazirlar Mahkamasi, shuningdek, davlat va mahalliy organlar normativ hujjatlarida ham o‘z ifodasini topgan.
O'zbekiston Respublikasida davlat boshqaruvini tartibga solishda davlat organlarining huquqiy maqomini belgilab beruvchi Nizom va Ustavlar ham ma’lum bir ahamiyatga ega.
Nizom — muayyan davlat tuzilmalarini (masalan, vazirliklar, davlat qo'mitalarining) tashkil etish tartibini, tuzilishini, vazifasi, funksiyasi va vakolatlarini belgilab beruvchi majmuyi tizimlashtirilgan aktdir.