Nazariy o`quv mashg`ulotining o`qitish texnologiyasi

Axborot xavfsizligini ta’minlash - qimmat hamda katta sarf-harajatlarni talab qiladigan ish bo‘lib, vositalarni sotib olish yoki o‘rnatishga qancha sarf-harajat qilinmasin, mos ta’minot sistemasining ishga layoqatli holatini va oqilona xavfsizlik chegarasini malakali aniqlash shunchalik qiyin bo‘ladi. Agar lokal tarmoq umumiy foydalaniluvchi ko‘p sonli axborot fayllari, qimmatbaxo rangli printerlar yoki litsenzion dastur vositalaridan birgalikda foydalanish maqsadida ishlab chiqilgan bo‘lsa, u holda axborotni xatto minimal shifrlash yoki deshifrlash ham talab qilinmaydi.

Axborotni ximoyalash vositalarini loyihalash, sotib olish yoki o‘rnatishni etarlicha tahlillarni olib bormasdan turib amalga oshirish kerak emas. Tavakkalni tahlil qilish ko‘plab faktorlar (ishning buzilishining paydo bo‘lishi, ishning buzilishining paydo bo‘lish ehtimolligi, tijorat yo‘qotishlardan zarar ko‘rish, sistemaning tayyorgarligi koeffitsientining kamayishi, jamoat munosabatlari, yuridik muammolar) ning ob’ektiv baholarini berishi hamda xavfsizlikning mos turlarini va darajalarini aniqlash uchun axborot taqdim etishi shart. Tijorat tashkilotlarining barchasi ma’lum darajada ko‘p bo‘lgan kritik korporativ axborotni katta-katta hisoblash sistemalaridan olib, ochiq sistema vositalariga uzatishda xavfsizlik sistemasidan foydalanish va uni yo‘lga qo‘yishda yangi, xali noma’lum bo‘lgan murakkab muammolarga duch keladilar. Hozirda ko‘plab tashkilotlarda tijorat ma’lumotlarini boshqarish uchun yuqori quvvatli, taqsimlangan ma’lumotlar bazasi va klient/server texnologiyasidan foydalanilmoqda. Taqsimlanishning o‘sishi bilan birga bu ma’lumotlarga ruxsatsiz kirish va ularni buzish imkoniyatlari ham ko‘payib bormoqda.