Navoiy kon-metallurgiya kombinati navoiy davlat konchilik instituti kimyo-metallurgiya fakulteti

Tadbirkorlik sub’ektlari faoliyatini tekshirish tizimini tubdan qayta ko‘rib chiqish.
Normativ-huquqiy hujjat loyihasi. Loyihada quyidagilar aks ettiriladi:

• 
  Nazorat qiluvchi organlar faoliyatini muvofiqlashtiruvchi respublika Kengashini tugatish;
  
• 
  tekshirishlar o‘tkazishga ruxsat berishning maxsus elektron axborot tizimini joriy etish, uni yuritish va nazoratini Bosh prokuraturaga yuklash;
  
• 
  tekshiruvlar reja-jadvalini shakllantirishda «xatarlarni tahlil qilish» tizimini joriy etish, xatarlarning quyi toifasiga mos keluvchi tadbirkorlik sub’ektlari faoliyatini tekshirish amaliyotini bekor qilish;
  
• 
  tadbirkorlik sub’ektlarini tekshirishda qonuniylikni ta’minlash maqsadida prokuratura organlari tizimini (davlat soliq xizmati organlari xodimlarini qisqartirish orqali) yanada takomillashtirish nazarda tutiladi.
  

Tadbirkorlik sub’ektlarining moliyaviy-xo‘jalik faoliyatini reja asosida tekshirish bo‘yicha ikki yil muddatga moratoriy joriy etish.
Normativ-huquqiy hujjat loyihasi. Loyihada Nazorat qiluvchi organlar faoliyatini muvofiqlashtiruvchi respublika kengashining ish rejasiga kiritilgan xo‘jalik yurituvchi sub’ektlarning moliyaviy-xo‘jalik faoliyatini tekshirish bo‘yicha ikki yil muddatga moratoriy joriy etish, soliq va boshqa majburiy to‘lovlarni o‘z vaqtida to‘lab borayotgan, moliyaviy ko‘rsatkichlari muntazam o‘sishiga erishayotgan faol tadbirkorlik sub’ektlarida tekshirish o‘tkazmaslik masalalari nazarda tutiladi.
O‘zbekiston Respublikasi Bosh prokurori tomonidan nazorat qiluvchi organlarning rahbarlari bilan birgalikda har oyda namunali, faol tadbirkorlik sub’ektlari bilan uchrashuvlar tashkil etish hamda ularni qiynayotgan muammolarni eshitish, qonuniy faoliyatiga to‘sqinlik qilayotgan omillarni aniqlash va bartaraf etish choralarini ko‘rib borish.
Elektron savdo maydonlari orqali bo‘sh turgan davlat ko‘chmas mulk ob’ektlarini auksion savdolariga qo‘yishning elektron tizimini ishlab chiqish.