Navoiy innovatsiyalar instituti «tasdiqlayman» Navoiy innovatsiyalar instituti rektori

Interfaol usullarning ahamiyati
1. O‘quvchilarda hamkorlikda ishlash ko‘nikmasi shakllanadi.
2. O‘quvchilarda ijodiy va mustaqil fikrlash malakalari tarkib topadi. Umumiy vazifalar yechimini topishda bir-birlariga ko‘mak beradilar.
3. O‘quvchilar o‘z ishlari natijasiga, o‘qishga, ta’lim olishga shaxsan mas’ullikni his qiladilar.
Quyida interfaol usullarning ayrimlari bilan tanishib o‘tamiz:
1. Aqliy hujum.
2. Suhbat.
3. Juftlikda ishlash.
4. Kichik ma’ruza.
5. Rolli o‘yinlar.
6. Bahs-munozara.
7. Sinkveyn.
8. Tushunchalar tahlili.
9. Idrok xaritasi.
10. FSMU ( Fikr, Sabab, Misol, Umumlashtirish).
11. Tanqidiy fikrlash.
12. Muzyorar
13. Hamkorlik
14. Debat
15. Bumerang…
Suhbat metodi – ko‘p qo‘llaniladigan va samarali usullardan biridir. Bu ko‘pincha savol-javob metodi deb ham yuritiladi. Chunki mazkur metodda dars jarayoni savol-javob vositasi asosida olib boriladi. O‘qituvchi o‘quvchilarga savol berib yoki ilgari o‘zlashtirgan bilimlarini eslariga tushirish yoxud mavjud bilimlar asosida yangi mavzulardan tegishli xulosalar chiqarishni taklif etish yo‘li bilan bilim, ko‘nikma va malakalar berish nazarda tutiladi. Suhbat metodi o‘quvchi faoliyatining yangi-yangi qirralarini ochib beradi va bir maqsadga qaratilgan mustahkam harakat birligini yuzaga keltiradi.
Kichik ma’ruza – o‘tiladigan mavzuning mazmuni haqida kichik ma’lumot beriladi. So‘ng mavzu bo‘yicha guruhlarda ishlanadi.
Rolli o‘yinlar – muammoli vaziyat yaratiladi. O‘quvchilar bu muammoning yechimini rollar orqali ifodalab berishadi. Bu usulda «real» holatlarini qayta jonlantiradilar. Ularga amaliy ish faoliyatida qo‘llash mumkin bo‘lgan yangi turdagi faoliyatlarni sinab ko‘rish va tekshirish imkoniyatlarini beradi.
Bahs-munozara usulida o‘quvchilarga bir kun oldin mavzu beriladi. O‘quvchilar mavzuni o‘qib, savollarga javob topib, guruhlarda o‘sha savollarga javoblar bahs-munozara asosida olib boriladi. Juftlikda ishlash bu ustuvorlikka ega usullardan biridir. O‘qituvchiga savol beriladi, beriladigan savollar muammoni chiqaradigan bo‘lib, o‘quvchilar juftlikda uning yechimini topishadi. Juftlikda ishlash o‘quvchilar orasida muammolarni bartaraf etish to‘g‘risida muloqot uyushtirilishiga chorlaydi. Agar o‘quvchi juftligi javob yuzasidan ko‘rsatmali material, jadval yoki diagrammalar tayyorlagan bo‘lsa, o‘sha juftlikning har bir a’zosi fikrining mahsuli bilan g‘ururlana olishi mumkin.