Navoiy davlat pedagogika instituti "tabiiy fanlar" fakulteti

 
3.2. Dars jarayonida interfaol ta’lim metodlaridan foydalanish
Ta’lim respublikamizda davlat siyosati darajasiga ko’tarilgan bo’lib, u 
pedagoglar zimmasiga mustaqil fikrlaydigan, yuksak ma’naviyatli, chuqur bilimga 
ega bo’lgan barkamol shaxsni tarbiyalashdek mas’uliyatli vazifa yuklatadi. 
Davlatimiz tomonidan “Ta’lim to’g’risida”gi qonun, “Kadrlar tayyorlash Milliy 
dasturi”, “Davlat ta’lim standarti” kabi ko’plab hujjatlar qabul qilindi.
Yoshlarni komil insonlar etib tarbiyalashda ta’lim-tarbiya tizimini sifat 
jihatidan butunlay yangi bosqichga ko’tarishda, ta’lim jarayoniga natijalari 
kafolatlangan pedagogik texnologiyalarni joriy etishda umumiy o’rta ta’lim 
tizimida o’qitiladigan fanlar, xususan geografiya ta’limi o’zining keng qamrovligi, 
o’quvchilarning ilmiy dunyoqarashini shakllantirish va rivojlantirishdagi o’rniga 

---

ko’ra katta imkoniyatlarga ega ekanligi bilan alohida ajralib turadi. Geografiya 
o’qituvchilari mazkur imkoniyatlardan o’z o’rnida va to’g’ri foydalana bilishlari 
zarur. Chunki, pedagogik texnologiyalar asosida tashkil etilgan darslarda 
pedagogik jarayonning borishi va xarakteri o’zgaradi.

Geografiya fani o’qituvchisi o’zining pedagogik faoliyatini pedagogik 

jarayonning xarakteri va borishini o’zgartirishda qo’llaniladigan pedagogik 
texnologiyalar asosida tashkil etishi, mazkur texnologiyalarning o’ziga xos 
xususiyatlarini puxta o’zlashtirgan bo’lishi, o’quvchilarning geografik bilish 
faoliyatini tashkil etish va boshqarishda ulardan foydalanish yo'llarini belgilashi 
lozim.
Geografiya fani o’qituvchisi pedagogik faoliyatida o’quvchilarning bilish 
faoliyatini tashkil etish va boshqarishni takomillashtirish maqsadida avval darsning 
ma’lim bosqichida pedagogik texnologiyalarning lokal (modul) darajada qo’llashi 
maqsadga muvofiq. Lokal, ya’ni modul darajadagi pedagogik texnologiyalar o’z 
ichiga interfaol metodlarni oladi. Bu interfaol metodlardan o’qitishning barcha 
shakllarida, dars berishda, uy vazifasini so’rashda, yangi mavzu bayon qilishda, 
o’tilgan mavzuni mustahkamlashda, sinfdan tashqari ishlarni tashkil etishda va 
o’tkazishda foydalanish mumkin. Interfaol metodlarlardan foydalanilgan 
darslarning afzalligi shundaki, unda bitta o’quvchining ustunlik qilishiga va o’z 
fikrini o’tkazilishiga yo’l qo’yilmaydi.
Pedagogik texnologiyalarga turli xil ta’riflar mavjud bo‘lib, lekin ulardan 
1970 yilda xalqaro YUNESKO tashkiloti tomonidan ishlab chiqilgan ta’rif butun 
dunyoda tan olingan.