Навоий давлат кончилик институти корхона жиҳозлари

3.3. Қорғичли аралаштиргичнинг асосий элементлари

Қорғичли аралаштиргичларнинг асосий элементларига қорғичдан ташқари узатма ва айланувчи вални маҳкамлаш қурилмалари киради. Қорғичлар маҳкамланган вални редуктор (валларнинг айланиш частотасини камайтирувчи) орқали уланган двигател айлантиради.

Айланувчи валларни маҳкамлаш учун гидрозатворлар, сальникли ва торцевой маҳкамлагичлар ишлатилади. Универсал торцевой маҳкамлагич тутқич, сильфон, сильфонни ускуна қопқоғига бириктириб турувчи гардиш, кўмир графит ва металл ҳалқалардан, бу халқаларни валга маҳкамлаб турувчи водилодан, кожухдан ҳамда ишқаланиш жуфтлигида тяга орқали босим ҳосил қилувчи, пружина ва гайкалардан иборат. Ишқаланиш жуфтлигини ёғлаш ва совитиш кожух бўшлиғида айланувчи оқма сув ёрдамида амалга оширилади. Тутқич совитувчи сувнинг аралаштирилаётган суюқлик ичига тушишини олдини олади. Ҳозирги кунда торцевой маҳкамлагичларнинг бир қанча такомиллаштирилган конструкциялари ишлаб чиқилган.


3.4. Циркуляцион аралаштириш

Циркуляцион аралаштиришда суюқлик ускуна – насос ускуна контур бўйича кўп карра ҳайдалади (1.1 - расм). Суюқлик ҳайдаладиган қувур бироз қия (горизонталга нисбатан) ва ускуна деворига уринма қилиб ўрнатилади. Қувурнинг учига махсус сачратувчи насадка маҳкамланган. Циркуляцион аралаштириш ҳам суспендия ва эмульсия олиш учун қўлланилади. (1.4. - расм) Циркуляция ҳосил қилиш учун марказдан қочма ёки тезкор оқимли (струйный) насослардан фойдаланилади. Насос унумдорлиги ошоши билан циркуляция ҳам ортади.

1.1-расм. Циркуляцион аралаштириш: 1-ускуна; 2-насос; 3-сачратувчи; 4-қувур.
Аралаштириш суспендия олиш учун амалга оширилаётган бўлса ускунанинг остги қисмида оғирроқ компанентлар йиғилади. Бундай ҳолда аралашма ускунанинг остидан насос ёрдамида сўриб олинади ва тепа қисмидан сачратилади. Натижада катта концентрацияли суюқлик кичик концентрацияли суюқлик билан аралашади. Циркуляцион аралаштиришда насос истеъмол қиладиган энергия сарфи оддий насосларники каби топилади.