Наманган мущандислик-педагогика институти

Хом ашёни навларга ажратиш. Меваларни қанчалик пишганлиги, ран-ги, шакли, 
катта-кичиклигига қараб хиллаш 

навларга ажратиш деб аталади. Бу ишқор 
эритмасида ишланадиган (бланшировка қилинадиган) хом ашѐнинг, айниқса олхўри ва 
шафтолининг эзилиб кетмаслигига, Эритманинг тўғри концентрациясини танлаб олиш ва 
у билан меваларни пўстидан ажратишга ҳамда олтингугурт билан тўғри дудлашга ѐрдам 
беради. Жиддий эътибор бериб навларга ажратилса бир хилда ва сифатли маҳсулот олиш 
ҳамда барча технологик жараѐнларни мақсадга мувофиқ равишда амалга ошириш мумкин. 
Хом ашѐни навлаш билан бирга, айни вақтда кондицияга мос келмаганлари (чириган, 
эзилган, касаллик ѐки ҳашоратлардан зарарланганла-ри) ажратиб олинади. Бу иш четига 
рейка қоқилган столларда бажарилади. Агар тасмали транспортѐр бўлса иш янада 
самарали бўлади. Тасмани секундига 0,12-0,13 метр тезликда ҳаракат қилдириш керак. 
Транспортѐрнинг ҳар икки томонида хиллаш учун тасманинг эни 0,8 метр бўлиши лозим. 
Тасманинг узунлиги ҳар бир ишчининг бир сменада бажарадиган иш меъѐрига, уларнинг 
сонига ва иш жойининг кенглигига қараб белгила-нади. Агар қўшимча равишда 

---

ўрнатиладиган, сатҳи 1,5 метрли столлардан фойдаланиладиган бўлса, транспортѐр 
тасмасининг узунлиги ҳам шунга яраша узайтирилади. 
Мевани катта-кичиклигига қараб қўлда ѐки ҳар хил конструкцияли калибрлаш 
машиналарида хилланади. Машина поғонали айланма валикдан иборат. Унинг 
диаметрини ўзгартириш мумкин. Валик билан ѐнма-ѐн тасмали транспортѐр бор. Мевалар 
бункерга солинади, сўнгра тасмали транспортѐр орқали валик атрофидан ўтади. Валик 
билан транспортѐр тасмаси ўртасидаги тешикларига келиб ўз ҳажмига яраша тешикдан 
бункерга тушиб кетади. Бундай машина бир соатда 1400 кг олхўри, 2000 кг олмани 
ажратади. Машина маҳсулотни 5 хилга ажратиб беради ва 2 киловат электр қуввати 
сарфлайди. Валикли-тасмали машинанинг тузилиши оддий бўлиб, уни ишлатиш учун 
юқори малакали ходимлар талаб қилинмайди. 
Катта-кичиклиги, ранги, етилиш даражасига қараб сараланган хом ашѐ кейинчалик 
навларга ажратилади.