Namangan davlat universiteti pedagogika psixologiya fakulteti

Eshituv diqqatini rivojlantirishga oid o’yinlar
Eshituv diqqatini rivojlantirishga qaratilgan o’yinlar mqsadi: Bolalarda eshituv diqqatini bir nuqtaga to’play olish. Bolalarni tovushga taqlid qilishni, eshitib qaysi o’yinchoq shunaqa ovoz chiqarishni aniqlashga o’rgatish .
“ Top nima qichqiryapti ? “ o’yini
O’yinning borishi: Logoped oldindan tayyorlab qo’ygan o’yinchoqni bittadan olib uni bolalarga ko’rsatadi. So’ngra ovoziga taqlid qiladi va bolalardan bu qaysi hayvon ovozi ekanligini so’raydi. O’yinchoqni yashirgan joydan olib ko’rsatishdan oldin, o’yinchoqni ovozini chiqaradi va bolalardan : “ topinglarchi, hozir bizga qaysi hayvon mehmon bo’lib keladi? “ - deb so’raydi. So’ngra logoped bir bolaga boshqa xonaga o’tib, xona eshigini biroz ochib qo’ygan holda birma-bir hayvonlarning ovoziga taqlid qilishini ayatdi. Boshqa boalalar esa u qaysi hayvonning ovozi ekanligini topadilar.
O’yinni 5-6 marta takrorlash mumkin. Bolalarning diqqat bilan eshitishlarini kuzatib turish kerak.
“ Qayerda chalindi ? “ o’yini
O’yinning maqsadi: Bolalarda tovush yo’nalishini aniqlay olishga o’rgatish, fazoviy orientatsiyani rivojlantirish. Bolalarda ma’lum obektga eshituv diqqatini to’play olish malakasini tarbiyalash.
O’yinning borishi: Bolalar aylana bo’lib o’tirishadi. Logoped o’yin boshlovchisini tanlaydi. Boshlovchi doira markazida turadi. Logopedning signali bilan boshlovchi ko’zini yumadi. Shu vaqt logoped bolalardan birortasiga qo’ng’iroqni beradi va chalishni taklif etadi. Boshlovchi ko’zini ochmay, qo’ng’iroq ovozi kelayotgan tomonni qo’li bilan ko’rsatadi. Agar bola tovush kelayotgan tomonni to’g’ri ko’rsatsa, logoped “ bo’ldi “ deb aytadi. O’yin boshlovchisi ko’zini ochadi, qo’ng’iroqni chalgan bola esa qo’ng’iroqni yuqoriga ko’tarib, uni ko’rsatadi. Agar o’yin boshlovchisi adashsa, yana bir marta qo’ng’iroq ovozi qayerdan kelayotganini topish taklif etiladi. Keyin boshqa o’yin boshlovchisi tayinlanadi. O’yin 3-5 minut takrorlanadi. O’yin boshlovchi o’yin vaqtida ko’zini ochmasligi kerak, buni kuzatib borish lozim. O’yin boshlovchi tovush kelayotgan tomonni qo’li bilan ko’rsatib shu tomonga burilishi kerak. Qo’ng’iroqni juda baland chalish kerak emas.
“ Quyosh va yomg’ir “ o’yini