Наманган давлат университети Наманган муҳандислик-қурилиш институти

ва хусусий секторлар ҳамда уларга хизмат кўрсатувчи инфратузил-маларнинг ўзаро алоқаларини акс эттирувчи модел³³⁴
Таҳлилларга кўра, Ўзбекистонда кичик бизнесни давлат томонидан тартибга солишда асосан давлат сектори, хусусий сектор ва бизнес субъект-ларига хизмат кўрсатувчи инфратузилмалардан иборат «учбурчак»да жой-лашган элементлар ўртасида у ёки бу даражадаги номувофиқлик ҳолатлари шаклланган. Бу эса ўз навбатида мамлакатдаги ишбилармонлик муҳитининг қулайлашувига ҳалақит бўлаётган омиллардан ҳисобланади (3.16-расм).
Бугунги кунга қадар кичик бизнес ва хусусий тадбиркорликка хизмат кўрсатувчи инфратузилма объектларининг соҳаси бўйича тури ва сони ҳудудлардаги (вилоятлардаги) статистика қўмиталари томонидан ҳисобга олинмаган. Натижада Республика Давлат статистика қўмитаси томонидан инфратузилмаларнинг йиллардаги тенденциялари ифода этилган статистик тўпламлар чиқарилмаган. Бу эса ўз навбатида кичик бизнес ва тадбиркорлик субъектларига хизмат кўрсатувчи инфратузилма объектларини мониторинг қилишда ўзига хос қийинчиликлар келтириб чиқаради.
Юқорида келтирилган илмий тадқиқотларимиз натижаларига кўра билдирилган бундай «...таҳлилий ва танқидий фикрлар эртанги кун учун, янги марраларни эгаллашимиз учун мустаҳкам замин бўлиб хизмат...»³³⁵ қилишига шубҳамиз йўқ.
Хулоса қилиб айтганда, Ўзбекистонда кичик бизнес ва хусусий тадбиркорликни ривожлантириш ва ишбилармонлик муҳитини қулайлаш-тириш мақсадида бозор инфратузилмалари фаолиятини яхшилаш бўйича қатор жиддий чора-тадбирларни амалга ошириш зарур:

• 
  давлат бошқарув идоралари раҳбар ходимларини функционал вазифаларини бозор муносабатларини ривожлантиришга йўналтириш керак;
  
• 
  бозор инфратузилмалари фаолиятини яхшилаш ва уларнинг хизмат кўрсатишдаги сифатини ошириш мақсадида мамлакатда маркетинг соҳасини ривожлантириш ва бу борада кадрлар савиясини оширишга йўналтирилган дастурлар қабул қилиши керак;
  
• 
  миллий иқтисодиётни эркинлаштириш мақсадидаги амалга оширилаётган чора-тадбирларни давом эттириш ва уни қандай бораётганлиги тўғрисида (ҳудудлар кесимида) доимий мониторингини бюллетень чоп этиш асосида давлат хизмат кўрсатувчи органларига, тадбиркорларга, қолаверса оммага маълум қилиш муҳимдир.
  

Мамлакатда юритилаётган ислоҳотлар макроиқтисодий барқарорликни сақлаб қолиш, бозор муносабатларини янада ривожлантиришга йўналтири-лар экан, давлат томонидан тартибга солиш жараёнларини тобора соддалаш-тириш, ислоҳотларини чуқурлаштириш ва мулкий ҳуқуқларни таъминлаш орқали ишбилармонлик муҳитини яхшилаш асосий вазифалардандир.