Наманган давлат университети Наманган муҳандислик-қурилиш институти

Ўзбекистон Республикаси Олий ва ўрта махсус таълим вазирлиги


Наманган давлат университети
Наманган муҳандислик-қурилиш институти


Арипов Ойбек Абдуллаевич


ЎЗБЕКИСТОНДА Кичик бизнесни давлат томонидан тартибга солиш ва ишбилармонлик муҳитини ривожлантириш

Тошкент — 2021
УДК
ББК

Монографияда кичик бизнес ва хусусий тадбиркорликни давлат томонидан тартибга солиш, мамлакатда ишбилармонлик муҳитининг ривожлантиришнинг асосий йўналишлари тадқиқ этилган. Кичик бизнес ва тадбиркорликни давлат томонидан тартибга солишнинг моҳияти, ишбилармонлик муҳитининг иқтисодий моҳияти, тузилиши ва таркиби назарий-услубий жиҳатдан очиб берилган. Тадбиркорликни давлат томонидан тартибга солишда ишбилармонлик муҳитига таъсир этувчи асосий омиллар категориялари, ишбилармонлик муҳитини назарий жиҳатдан ўрганишнинг илмий-назарий талқини баён этилган. Жумладан, хорижий мамлакатларда кичик бизнеснинг ривожланиши, ишбилармонлик муҳитининг шакллантиришдаги хорижий тажрибалар, ишбилармонлик муҳитининг шаклланиши ва уни ривожлантиришдаги замонавий тенденциялар, шунингдек, Ўзбекистонда ишбилармонлик муҳитини яхшилашдаги ташкилий-ҳуқуқий саъй-ҳаракатлардан иборат таҳлилий мулоҳазалар асосида мамлакатимиздаги ишбилармонлик муҳитининг ривожига баҳо берилган.

Шунингдек, кичик бизнесни ривожланиши ва ишбилармонлик муҳитининг қулайлашувидаги замонавий тенденциялар, мамлакатдаги кичик бизнес ва хусусий тадбиркорликни давлат томонидан тартибга солишдаги муаммолар ва ишбилармонлик муҳити фаолиятининг таҳлили амалга оширилган. Кичик бизнес субъектлари фаолияти учун ишбилармонлик муҳитининг ишлаш механизмини такомиллаштириш, ишбилармонлик муҳитини қулайлаштиришда инфратузилма фаолиятини кенгайтириш йўналишлари, ва ишбилармонлик муҳитини кенгайтиришда рақамли иқтисодиётнинг аҳамиятининг замонга мос масалалари ўрин олган.
Ушбу монография иқтисодиёт йўналишидаги олий ўқув юртлари ва илмий тадқиқот муассасаларининг илмий ходимлари, мутахассислари, профессор-ўқитувчилар, талабалар, тадбиркорлар ҳамда шу соҳани мустақил ўрганиш ниятида бўлган барча китобхонларга мўлжалланган.