Namangan davlat universiteti kimyo kafedrasi kimyo texnologiya

Natron-sodali va ion almashinish usulida suvni yumshatish.

Ishning maqsadi. Suvni yumshatishning kimyoviy va fizik kimyoviy usullari samaradorligini takkoslash.

Kerakli jihozlar va reaktivlar: Konussimon kolbalar 250 ml hajmli, 2l li kolba, qadaq, ionitli kolonka (3-rasm) natriy gidroksid, natriykarbonat N- yoki Na-kationit,8 % li natriy xlorid eritmasi.

3-ish. Natron-sodali usulda suvni yumshatish.

Ishning bajarilishi. Suvni avvalo karbonatli, karbonatsiz, umumiy qattiqligi hamda uglerod (IV) oksidi miqdori aniqlanadi. SHu ma’lumotlarga asoslanib suvni qattiqligini yuqotishda yetadigan natriy gidroksidi va soda miqdori hisoblab chiqiladi. Reagentlar analitik tarozida tortib olinishi kerak. Olingan soda tekshiriladigan 1l suvga solinadi va 2-3 minut kolbani chaykatib eritiladi. So’ngra uning ustiga natriy gidroksidi xam solinadi va kolba yana 2-3 minut chaykatiladi. Hosil bo’lgan eritma filtrlanadi. Filtratdan 200 ml olinib uning karbonatli, karbonatsiz va umumiy qattiqligi xamda uglerod (IV) oksidi miqdori aniqlanadi. Olingan analiz natijalari yumshatishgacha va yumshatilgandan keyin takkoslab kuriladi.