Namangan davlat universiteti kimyo kafedrasi kimyo texnologiya

Laboratoriya ishi -1
Toshko’mirni flotatsiya usulida boyitish
Toshko’mir tarkibida kremniy oksidi, temir sulfid, tuproq kabi qo’shimchalarni bo’lishi kokslash uchуn ishlatiladigan ko’mir sifatini pasaytiradi va chiqadigan koks gazi tarkibidagi vodorod sulfid miqdorini ortishiga olib keladi. Shuning uchun toshko’mir aralashmalardan qutilish uchun boyitiladi.

Ishni bajarish jarayonida turli tuman reaksion elektroqizdirgich apparat va qurilmalari bilan ishlashga to’g’ri keladi Shuning uchun bunday laboratoriyalarda aloxida elektroxavfsizlik choralarini ko’rish talab etiladi. Laboratoriya ishini boshlashdan avval oq xalat kiyish kerak va idish va asboblarni ko’zdan kechirish, so’ng raxbarning ruxsati bilan ishni boshlash kerak. Ushbu toshko’mirni flotatsion boyitish jarayonida ko’pik barharorligini oshirish maqsadida kerosin ishlatiladi. Kerosin oson alangalanuvchi suyuqlik bo’lib, undan foydalanish jarayonida extiyot bo’lish lozim, ya`ni olovdan uzoqroqda suyuqlikni bir idishdan boshqasiga quyish darkor. Ish tugagandan so’ng suv va elektr asboblarini o’chirishni unutmaslik kerak!!!

Ishning maqsadi: Toshko’mirning konsentrat unumi va ajralish (konsentratsiya) darajasini aniqlash.