Namangan davlat universiteti fizika matematika fakulteti fizika kafedrasi

Induktsion mexinzmli asboblarning kamchilik va afzallik tomonlari. Induktsion o’lchash mexanizmlarining asosiy afzalliklari – o’z maydonining kuchliligi sababli, tashqi magnit maydonlarning ta’siri sezilmasligi hamda ortiqcha yuklamaga bardosh bera olishining ancha yuqoriligidir.

Bu asboblarning kamchiliklari – faqat o’zgaruvchan tok zanjirlari uchun yaroqligi, chastotaning o’zgarishiga sezgirligi va aniqligining ancha pastligidir.

Yuqorida berilgan materiallarni o’quvchilar tomonidan qanday o’zlashtirilganligini aniqlashda hozirgi kundagi mos pedagogik texnologiyalardan foydalanish maqsadga muvofiq.

“Veer” texnologiyasi

“Veer” texnologiyasi murakkab, ko’p tarmoqli, mumkin qadar, muammo xarakteridagi mavzularni o’rganishga qaratilgan.

Texnologiyaning mohiyati shundan iboratki, bunda mavzuning turli tarmoqlari bo’yicha bir yo’la axborot beriladi. Ayni paytda, ularning har biri alohida nuqtalardan muhokama qilinadi. Masalan, ijobiy va salbiy tomonlari, afzallik, fazilat va kamchiliklari, foyda va zararlari belgilanadi.

Bu interaktiv texnologiya tanqidiy, tahliliy, aniq mantiqiy fikrlashni muvaffaqiyatli rivojlantirishga hamda o’z g’oyalari, fikrlarini yozma va og’zaki shaklda ixcham bayon etish, himoya qilishga imkoniyat yaratadi.