Начальнику сдс мид ру

Харид тўғрисида қарор қабул қилиш

Инвестицион товарлар бозорида харид билан битта таъминотчи, харидлар бўйича бир нечта агентлар ёхуд қурилиш ташкилотининг моддий-техник таъминот бўлими шуғулланади. Бу бўлим мутахассислари товарнинг техник кўрсаткичлари ҳамда мол етказувчини танлаш хусусида ўзлари қарор қабул қилишлари мумкин, ёхуд уларга мол етказувчини танлаш ёки фақатгина буюртмани шакллантириш тўғрисида топшириқ олишади.

Моддий-техник таъминот хизматининг харид жамоасига товар истеъмолчилари, таъминотчилар, харидлар тўғрисидаги маълумотларни назорат қилувчи шахслар киради. Жамоанинг таркиби ва миқдори товарнинг тури, яъни унинг мураккаблиги ва тўлиқлигига боғлиқ. Харидлар янги вазифларни ҳал қилиш учун амалга оширилади, улар такроран ўзгартирилиши ҳам мумкин. Янги вазифларни ҳал қилиш учун харидлар қуйидаги масалалар изчиллик билан ҳал қилингач амалга оширилади: 1) муаммони англаб этиш; 2) эҳтиёжни аниқлаш; 3) товар турини баҳолаш; 4) мол етказувчини излаш; 5) таклифларни йиғиш; 6) мол етказувчиларни танлаш; 7) буюртмани бериш тадбирларини ишлаб чиқиш; 8) мол етказувчи ишини баҳолаш. Такрорий харидларда қатор босқичлар истисно қилиниши, зарур ҳолларда эса – янгилари билан тўлдириши ҳам мумкин.
Бу масалаларнинг изчиллик билан ҳал этилишини кўриб чиқамиз.
Муаммони англаб олиш. Материаллар харидига эҳтиёж ва уларни етказиш навбатлари инвестицион қурилиш лойиҳалари тўғрисидаги концепция қабул қилиниши билан юзага келади. Шундан кейин лойиҳанинг ҳар бир босқичида бу масала аниқлаб олинади. Шу билан бирга, мазкур муаммо қурилиш ускунаси ишдан чиққанда ёки унинг бошқа, анча такомил ускуна билан алмаштирилганида юзага келиши мумкин. Ускуна ёки материални алмаштириш ғояси техника бўйича масъул раҳбарларнинг ёки таъминот масалалари бўйича агентларнинг ихтисослашган кўргазмаларга ташриф буюрганида, шериклар томонидан сифат жиҳатдан юқорироқ бўлган бошқа маҳсулотлар таклиф қилганда пайдо бўлиши мумкин.
Эҳтиёжни аниқлаш. Бу масалани ҳал этиш учун керакли товарнинг умумий кўрсаткичлари ва унга бўлган эҳтиёжнинг кўлами кўриб чиқилади. Одатий стандарт товарларда мураккабликлар пайдо бўлмайди, янги материаллар ёки ускуналарни олиш учун эса товарнинг ишончлилик, чидамлиликка доир кўрсаткичлари, қиймати ва бошқа сифатларини таснифлаш керак бўлади.