9-мавзу. Харид логистикаси Режа: Харид логистикасининг мохияти. Харид логистикасида махсулотларни «аник муддатда»

9-мавзу. Харид логистикаси Режа: 1. Харид логистикасининг мохияти. 2. Харид логистикасида махсулотларни «аник муддатда» етказиб бериш тизими ва инновациялар. 3. Харид фаолиятининг мухим кисмлари. 4. Харид килишнинг ишлаб чикариш, сотиш, омборларда саклаш, транспортларда ташиш, хамда махсулот етказиб берувчилар билан буладиган узаро алокаларни мувофиклаштириш.

1. Харид логистикасининг мохияти

Харид логистикаси бу корхонани моддий ресурслар билан таъминлаш, ресурсларни корхона омборларига жойлаштириш, уларни сақлаш ва ишлаб чиқаришга жўнатиш жараёнидир.
Харид логистикасининг мақсади бўлиб ишлаб чиқаришнинг материалларга бўлган талабини максимал даражада иқтисодий самара билан қониқтириш ҳисобланади.
Бу мақсадга бир қатор муаммолар ҳал қилиниши натижасида эришилади. Бу муаммоларни қуйидаги гуруҳларга ажратиш мумкин:

• Хом ашё, материаллар ва эҳтиёт қисмларни харид қилишнинг асослаб берилган муддатларига таяниш;
• Келиб тушишларнинг миқдорини, уларга бўлган талаб билан таклиф мослигини таъминлаш;
• Хом ашё, материаллар ва эҳтиёт қисмларнинг сифатига қўйиладиган ишлаб чиқариш талабларига риоя қилиш.

Харид логистикаси қуйидаги функцияларни бажаради:

• моддий ресурсларни харид қилиш стратегиясини шакллантириш ва уларга бўлган талабни башоратлаш;
• потенциал етказиб берувчилар томонидан тушадиган таклифларни қабул қилиш ва баҳолаш;
• етказиб берувчиларни танлаш;
• моддий ресурсларга қўйиладиган талабларни аниқлаш, ҳамда материаллар ва маҳсулотларга бериладиган буюртмалар миқдорини ҳисоблаш;
• буюртма берилаётганда ресурслар нархини келишиш ва етказиб бериш ҳақида шартномалар тузиш;
• материаллар келиб тушиш муддатлари устидан назорат;
• моддий ресурслар сифатини қабул қилиш назоратидан ўтказиш ва омборларга жойлаштириш;
• моддий ресурсларни ишлаб чиқариш бўлинмаларигача етказиб бериш;
• омборларда моддий ресурслар захираларини меъёрий даражада ушлаб туриш.