Начальнику сдс мид ру

Савдолар ғолибининг танлови
Ғолиб тендер ҳужжатларидаги мезонлар асосида аниқланади. Конкрет кўрсаткчилар рўйхати ҳамда энг яхши таклифни танлашга ёндашув тендер қўмитаси томонидан ёки муҳандислик-маслаҳатчи фирма томонидан унинг мурожаатига биноан ишлаб чиқилади. Бунда буюртмачи томонидан қўйилган мақсад ва вазифалар ҳал қилувчи роль ўйнайди. Оферентлар томонидан тақдим этилган қўшимча техник, ташкилий ва иқтисодий таклифлар, шунингдек уларнинг ишбилармонлик обрў-эътибори инобатга олинади. Зарурат бўлганда офертлар экспертлар гуруҳи томонидан кўриб чиқилаётганда уларнинг таклифлари бўйича тендер қўмитаси оферентлардан тақдим этган таклифлари юзасидан керакли тушунтиришларни талаб қилиши ҳамда олинган маълумотларни тасдиқловчи бошқа манбаларни кўрсатишни талаб қилиши мумкин. Тендер қўмитасини қаноатлантирувчи таклифлар бўлмаган тақдирда савдони якунлаш ёки қайта савдо ўтказиш тўғрисида қарор қабул қилиниши мумкин.
Савдолар ғолиби тендер қўмитасининг ваколатли аъзоларининг мажлисда иштирок этган оддий кўпчилигининг овози билан қабул қилинади. Овозлар тенг бўлган тақдирда, агарда буюртмачи ёки савдолар ташкилотчининг қарорни тасдиқлаши назарда тутилмаса, буюртмачининг (тендер қўмитаси раисининг) овози ҳал қилувчи ҳисобланади. Қарор қабул қилингач, тендер қўмитаси бир ҳафта ичида савдода қатнашган барча иштирокчиларни савдо натижалари тўғрисида бахобар қилади ва беш банк куни давомида пай пули ғолибдан ташқари барча иштирокчиларга қайтариб берилади.
Савдо натижалари буюртмачи ёки унинг топшириғига кўра савдо ташкилотчиси томонидан бир ҳафта ичида баённома ва тендер қўмитасидан барча керакли ҳужжатлар олингандан кейин тасдиқланади. Буюртмачи тасдиғи учун тақдим этилган тендер қўмитаси мажлисининг баённомаси қуйидаги маълумотларга эга бўлиши керак: объектнинг номи; савдолар предмети; пудрат қиймати; лойиҳани бажариш муддатлари; оферентлар рўйхати; тақдим этилган таклифлар юзасидан экспертларнинг хулосалари; баҳолаш натижалари; ғолибнинг номи; тендер қўмитасининг таркиби.
Тендер қўмитасининг баённомаси кўриб чиқилганда буюртмачи савдо натижалари тўғрисида қуйидаги қарорларни қабул қилиши мумкин:
- савдо натижаларини тасдиқламаслик ва қайта савдоларни ўтказиш тўғрисида. Бундай ҳолда тендер қўмитасига тегишли қарор юборилади;
- савдолар ғолибини тасдиқлаш ва уни контрактни тузиш истаги тўғрисидаги баённомани имзолашга таклиф қилиш тўғрисида;
- савдолар ғолибини тасдиқлаш ва уни савдо предмети бўйича пудрат шартномасини (контрактни) имзолаш тартиб-қоидаларига таклиф қилиш тўғрисида.
Савдоларни ташкил этиш ва ўтказишда тендер ҳужжатлари муҳим роль ўйнайди. Бу ҳужжатларни ишлаб чиқиш ва расмийлаштириш қоидалари ўрнатилган тартибда белгиланади.