N husanov m. Husanova r. Xo‘jaqulova

9-topshiriq. Quyidagi maqollardagi iqtisodiy so‘zlarning ma’nosini va qo‘llanishini tahlil va tahrir qiling
Qimmatda bir hikmat bor,
Arzonda bir illat bor.
Asl aynimas, oltin zanglamas.
Arpa-bug،doy osh ekan, oltin-kumush tosh ekan.
Oltin uzukka – olmos ko‘z.
Axmoqqa salom berdim, besh tanga tavon berdim.
Saxiy xor bo‘lmas, baxil bor bo‘lmas.
Boshing ikki bo‘lmaguncha, moling ikki bo‘lmas.
Moling ko‘p bo‘lsa, maqtanma.
Boshing ko‘p bo‘lsa to‘planma.
Boylik – boylik emas, birlik boylik.
Bir yil tut ekkan, yuz yil gavhar terar.
Kishining moli kishiga, sud qilmas.
Bozordan bir boy chiqmaydi, bir gadoy chiqmaydi.
Boy boyga (boqar), suv soyga oqar.
Boy bo‘lsang sholg‘om ye, kambag‘al bo‘lsang, palov ye.
Boyning – palovidan kambag‘alning sho‘rvasi qimmatga tushadi.
10-topshiriq. Darslik va jurnaldan yoqtirgan mavzuingizga oid matnni tanlab, ixchamlashtiring. So‘ng matnni qisqa tarkibiy qismlariga ajrating va har biriga mos sarlavha toping.
11-topshiriq. Matnni kengaytiring, bozor to‘g‘risida 200 so‘zdan iborat matn yozing.
Shunday qilib, bozor – bu Tovar va xizmatlar ayirboshlanadigan joy. U bo‘lmasa Tovar va xizmatlarning oldi-sotdisi yuz bermaydi, takror ishlab chiqarish sodir bo‘lmaydi. Bozor Tovar va xizmatlarni taklif etuvchilar taqdirini belgilovchi toshu tarozi, oily hakam bo‘lib hisoblanadi.
12-topshiriq. Matnni kengaytiring, Moliya tizimi haqida 200 so‘zdan iborat matn yozing.
Moliya tizimi deganda yalpi ijtimoiy mahsulotni taqsimlash va qayta taqsimlash jarayonida paydo bo‘ladigan va davlat tomonidan umummamlakat vazifalarini amalgam oshirish uchun foydalaniladigan pul mablag‘larining majmuasi tushuniladi
13-topshiriq. Matnni kengaytiring, eng katta qarzdor qaysi mamlakat ekanligini haqida 200 so‘zdan iborat matn yozing.
Hisob-kitoblarga qaraganda, hozir dunyoda eng boy mamlakat Yaponiya hisoblanadi. Mazkur davlat boshqa mamlakatlarga qarz berish borasida ham birinchi bo‘lib, jahon davlatlarining Yaponiyadan olgan qarzi 133trl. ienni (bir trln. AQSh dollari) tashkil etadi. Yaponiyadan eng katta qarz olgan mamlakat AQShdir.