N husanov m. Husanova r. Xo‘jaqulova

20-topshiriq. Rasmiy va shaxsiy ishonchnomaga bittadan namuna keltiring.
21-topshiriq. Ma’lumotdan foydalanib bank boshqaruvchisiga tushuntirish xati yozing.
Tushuntirish xati: tushuntirish xati xizmat sohasiga, ish va vazifalarning bajarilishiga aloqador, ish bilan bog‘liq holda bo‘lib o‘tgan voqea-hodisalar, rahbar yoki xodimning xatti-harakatlari, ishda yuz bergan ko‘ngilsiz holatlarni yozma izohlovchi hujjat. Tushuntirish xati tashqi va ichki xususiyatga ega. Ichki tushuntirish xatining zaruriy qismlari: hujjat yo‘llanayotgan tashkilot nomi, rahbarning familiyasi, ismi, otasining ismi, hujjatni tayyorlagan tashkilot nomi, rahbar yoki uni yozuvchi shaxsning lavozimi, familiyasi, ismi, otasining ismi, tushuntirish xatining mazmuni, uni yozuvchi shaxsning imzosi, familiyasi hamda yozilgan sananing qayd etilishi bilan tugallanadi.
Toshkent moliya instituti
“Moliya-iqtisod” fakulteti
dekani N. Haydarovga
3-kurs talabasi
Hamidov Akbardan
TUSHUNTIRISH XATI
Men 2010 yilning 21sentabrdan 22 sentabrigacha bo‘lgan davrda onamning qattiq betobligi tufayli 8 soat mashg‘ulotga qatnasha olmadim.
Ilova: Onamning kasalligi haqida vrach ma’lumotnomasi.
(imzo) A. Hamidov
2010.12.10
22-topshiriq. Fakultet dekani nomiga yuz bergan holat yuzasidan tushuntirish xati yozing.
23-topshiriq. Ma’lumotdan foydalanib amalyotda bajargan ishlaringiz haqida fakul’tet dekaniga hisobot yozing.
Hisobot va uning turlari: hisobotning rejalashtirilgan ish yoki topshirilgan vazifa-topshiriqlar, xizmat yoxud ilmiy safarlarning yakuni, natijalari haqida mufassal ma’lumot beruvchi hujjatdir. Hisobotlar uchun umumiy va zaruriy bo‘lgan qismlari: sarlavha, hisobot matni, muallifning lavozimi, familiyasi, ismi, otasining ismi, yozilgan sana, hisobotni tasdiqlovchi rahbarning imzosi, familiyasi ko‘rsatiladi. Xizmat safari uchun mo‘ljallangan maxsus shaklli hisobot qog‘ozi, unda qayd etiladigan ma’lumotlar, bayoni hamda buxgalteriya hisobotlardir.
24-topshiriq. Xizmat safari haqida hisobot yozing.