N husanov m. Husanova r. Xo‘jaqulova

27-topshiriq. Ishga qabul qilish haqida buyruq namunasi keltiring.
28-topshiriq. Farmon, qonun, qaror haqidagi ma’lumotlarni o‘qing va ulardan foydalanib bu hujjatlarga namunalar yozing.
Farmon, qonun, qaror: Respublika Prezidenti, Respublika Oliy Majlisi, Respublika Vazirlar Mahkamasi va hokimliklar qabul qiladigan hujjatdir.
O‘zbekiston Respublikasi Prezidentining
FARMONI
Italiyaning Milan shahrida o‘tkazilgan boks bo‘yicha XV Jahon chempionatida muvaffaqqiyatli ishtirok etgan O‘zbekiston milliy terma jamoasi a’zolarining bir guruhini mukofatlash to‘g‘risida
Boks bo‘yicha jahon birinchiligida yurtimiz sha’nini munosib himoya qilib, mardlik va jasorat namunasini namoyon etgani, mamlakatimizning xalqaro maydondagi obro‘-e’tibori va nufuzini oshirish, yosh avlodni jismonan sog‘lom qilib tarbiyalash, o‘zbek boks maktabi an’analarini yanada yuksaltirishga qo‘shgan ulkan hissasi uchun quyidagilarga faxriy unvonlar berilsin:
«O‘zbekiston iftixori»
Atoyev Abbos Abdurazzoqovich — Buxoro viloyati 2-bolalar va o‘smirlar olimpiya zaxiralari sport maktabining boks bo‘yicha murabbiyi, boks bo‘yicha O‘zbekiston milliy terma jamoasi a’zosi
«O‘zbekiston Respublikasida xizmat ko‘rsatgan sportchi»
Maxmudov Botirjon Bahodirovich — Boks bo‘yicha O‘zbekiston milliy terma jamoasi a’zosi
«O‘zbekiston Respublikasida xizmat ko‘rsatgan sport ustozi»
Boymatov Nabijon Sharipovich — Qo‘qon shahridagi 1-bolalar va o‘smirlar sport maktabining boks bo‘yicha murabbiyi
Siddiqov Uyg‘un Patxilloyevich — Markaziy harbiy sport klubining boks bo‘limi bosh murabbiyi, boks bo‘yicha O‘zbekiston milliy terma jamoasi murabbiyi
Mamlakatimizda ommaviy sportni, xususan, boksni targ‘ib qilish yo‘lidagi jonkuyarligi, yosh avlodni Vatanga muhabbat ruhida tarbiyalash, ularni har tomonlama barkamol etib voyaga etkazishdagi salmoqli hissasi va ko‘p yillik samarali faoliyati uchun quyidagilar mukofotlansin: