N. B. Dilmurodov

Pastki oraliq limfa tugunlari
– 
lnn.mediastinales ventrales 
– qoramollarda 
1 – 3 sm uzunlikda bo‘lib, boshqa hayvonlarda mavjud emas. Diafragma va yurak 
kuylakchasi o‘rtasida oraliqda joylashadi. Plevra, yurak kuylakchasi va 
diafragmadan limfa yig‘ishtiradi. Limfa oqimi to‘shning oldingi tuguniga boradi. 
Oldingi oraliq limfa tugunlari
– 
lnn.mediastinales cranialis
- qoramollarda 
2 – 7 sm, cho‘chqalarda 0,1 – 0,5 sm, otlarda 0,1 – 0,8 sm, itlarda 3 – 4 sm 
uzunlikda bo‘lib, yurak oralig‘ida joylashadi. Ko‘krak va qorin bo‘shlig‘i devori, 
sut bezi, kekirdak, qizilo‘ngach, yurak, aorta, to‘sh orti bezi, bronxial va 
qovurg‘alararo tugunlardan limfa yig‘ishtiradi. Limfa oqimi ko‘krak yo‘liga oqadi. 
O‘rta oraliq limfa tugunlari
– 
lnn.mediastinales mediales
– qoramollarda 
0,5 – 5 sm, cho‘chqalarda 0,2 – 0,4 sm, otlarda 0,2 – 6 sm uzunlikda bo‘lib, itlarda 
u bo‘lmaydi. Kekirdak, qizilo‘ngach, o‘pka, plevralardan limfa yig‘ishtiradi. Limfa 
oqimi barcha hayvonlarda ko‘krak yo‘liga boradi. 
Orqa oraliq limfa tugunlari
– 
lnn.mediastinales caudales
– qoramollarda 
10 – 15 sm, cho‘chqalarda 0,1 – 0,7 sm, otlarda 0,1 – 2,5 sm uzunlikda bo‘lib, 
itlarda u mavjud emas. Kekirdak, qizilo‘ngach, o‘pka, jigar va taloqlardan limfa 
yig‘ishtiradi. Limfa oqimi barcha hayvonlarda qo‘qrak yo‘liga boradi. 
Bronxial yoki bifurkatsion limfa tugunlari
– 
lnn.bronchiales
– o‘ng, chap, 
dorsal va eparterial guruhlarga bo‘linadi. Barcha hayvonlarda kekirdak 
bifurkatsiyasi sohasida joylashadi. O‘pka, bronx, qizilo‘ngach, yurak va o‘pka 
tugunlaridan limfa yig‘ishtiradi. Limfa oqimi barcha hayvonlarda oldingi oraliq 
tugunga va ko‘krak yo‘liga boradi. 
O‘pka limfa tugunlari
– lnn.pulmonales
– qoramollarda 0,5 – 1,5 sm, 
otlarda 0,3 – 1 sm, itlarda 0,1 – 0,4 sm uzunlikda bo‘lib, bronx va o‘pkalarda 

---

joylashadi. O‘pkalardan limfa yig‘ishtiradi. Limfa oqimi hamma hayvonlarda 
bifurkatsiya tuguniga boradi.