N. B. Dilmurodov

Yuza magistral vena
– barmoqning ichki yuza venasi – 
v.digitalis medialis
dan boshlanadi. U kaftning orqa yuzasi o‘rta venasi – 
v.metacarpea volaris 
sulerficialis medialis
ga boradi. Kaftning orqa yuzasi chuqur o‘rta venasini qabul 
qiladi. Undan keyin elka oldi teri osti venasi – 
v.sephalica antibrachialis 
ga boradi 
va teri osti venasi 
– v.sephalica accessorius
ga qo‘shiladi. Keyin ular elkaning teri 
osti venasi – 
v.sephalica humeri 
ga aylanib, bo‘yinturuq yoki oldingi kovak venaga 
qo‘shiladi.
Orqa kovak vena 
– 
v.sava caudalis
tananing butun orqa qismidan, ya’ni 
orqa oyoq va tos bo‘shlig‘i organlaridan, taloq, oshqozon, ichaklar, buyraklar, 
jinsiy organlar, qorin devori, muskullar va teridan qon oladi. 
Tos va orqa oyoqlar venasi tos bo‘shlig‘i va uning devoridagi organlardan 
hamda orqa oyoqlardan, yonboshning tashqi va ichki venalari – 
v.v.iliaca externa 
et interna
dan qon oladi. Yonboshning o‘ng va chap venalari birlashib, umumiy 
vena – 
v.iliaca communis
ni hosil qiladi, unga bel venalari, yonbosh suyagining 
aylana venasi va yonbosh venasi qo‘shiladi. Yonbosh venasiga dumning yon 
venasi, dum venasi, sag‘ri venalari, jinsiy a’zolarning ichki venasi, jinsiy organ 
venalari, oraliq va to‘g‘ri ichak venalari kelib qo‘shiladi. 
Yonboshning tashqi venasi 
– 
v.iliaca externa
yonbosh arteriyaning yonida 
joylashadi. Unga son va kaft venalari kelib qo‘shiladi. Yonbosh venaga sonning 
chuqur venasi, yopuvchi venalar ham qo‘shiladi. Sonning chuqur venasi – 
v.profunda femoris
sonning aylanma chuqur venasini, jinsiy a’zoning tashqi 
venasini qabul qiladi. Erkak hayvonlarda jinsiy a’zoning yuqori venasi, qorinning 
orqa tomon ustki venasi, qorinning teri osti venasi ham shu venaga qo‘shiladi. 
Son venasi 
– 
v.femoralis
taqim osti venasining davomi bo‘lib, unga sonning 
oldingi venasi, son va tizzaning teri osti yuza venasi, tizza usti venasi va sonning 
orqa tomon venalari qo‘shiladi. Bu vena son arteriyasi yonida joylashadi. Teri osti 
yuza venasi – 
v.saphena magna s. medialis
oyoqning pastki qismidan qon oladi. 
Tushoq bo‘g‘imi ustida kaft vena yoyini hosil qiladi. Bu yoydan to‘rtta kaft 
venachasi chiqadi.