N. B. Dilmurodov

Tuxum yo‘li
– 
tuba uterina (oviductus)
ingichka, egri-bugri naycha bo‘lib, 
asosan tuxumdonda hosil bo‘lgan etilgan tuxum hujayralarni chiqarish uchun 
xizmat qiladi. Tuxum yo‘li sigirda 25 sm dan 30 sm gacha uzunlikda bo‘ladi. 
Tuxum yo‘lining ikkita – tuxumdon va bachadon uchlari mavjud. Tuxum 

---

yo‘liningtuxumdon uchi kengaygan, voronka shakliga ega. Voronkaning chetlari 
shokilasimon bo‘lib, tuxum yo‘lining shokilasi – 
fimbria tubae
deyiladi. 
Shokilaning tuxumdonni oldingi cheti bilan birikkan qismi tuxumdon shokilasi – 
fimbria ovarica
deb ataladi. Voronkaning qisilgan qismida tuxum yo‘lining qorin 
teshigi – 
ostium abdominales tubae uterinae
joylashadi. Tuxum yo‘li ushbu teshigi 
bilan peritoneal (qorin) bo‘shliqqa ochiladi. 
Tuxum yo‘lining bachadon uchi bachadon teshigi – 
ostium uterinum tubae
orqali bachadon shoxi bo‘shlig‘iga ochiladi. Tuxum yo‘lining devori shilliq, 
muskul va zardob pardalardan tuzilgan. Zardob parda tuxum yo‘lining tutqichini 
hosil qiladi. 
Hayvonlardagi farq qiluvchi xususiyatlari.
Biyada tuxum yo‘lining 
bachadon uchi tor bachadon teshigi bilan bachadon shoxi bo‘shlig‘iga ochiladi. 
Bachadon shoxining ichki yuzasida kichik so‘rg‘ich shaklida tuxum yo‘li ko‘rinib 
turadi. Tuxumdon bursasiga kirish joyi keng.
Cho‘chqada – tuxum yo‘li tutqichga osilgan holatda, kuchli burmali, 
tuxumdon yoyini hosil qiladi va sezilarli chegarasiz bachadon shoxiga o‘tadi, 
tuxum yo‘li voronkasi cho‘zinchoq.
Itda – tuxum yo‘lining uzunligi 4 sm dan 10 sm gacha, tuxumdon bursasiga 
kirish joyi tor. 
NAZORAT UCHUN TOPSHIRIQ VA SAVOLLAR 
- urg‘ochilik jinsiy a’zolarini, anatomik tarkibini o‘rganib, ularning rasmini 
chizing. 
- Urg‘ochilik jinsiy a’zolarining anatomik tarkibini ayting. 
- tuxumdonning tuzilishi va topografiyasini ayting. 
- tuxum yo‘lining tuzilishini ayting.