Mustaqil ishi 206-guruh talabasi Abduhamidova Sayyora

Madaniyat o’zi nima?

Madaniyat

Madaniyat arabcha “madina” so’zidan kelib chiqqan. Madaniyat – jamiyat, inson ijodiy kuch va qobiliyatlari tarixiy taraqqiyotining muayyan darajasi. Kishilar hayoti va faoliyatining turli ko’rinishlarida shuningdek, ular yaratadigan moddiy va ma’naviy boyliklarda ifodalanadi.

G’arbiy Yevropada madaniyat tushuncha XVIII asrning oxiridan e’tiboran hozirgi mazmunni kasb etgan bo’lsa-da, faqat XX asrga kelib, ijtimoiy va gumanitar fanlar kategorial tizimida mustahkam o’rin oldi.

Madaniyat quyidagi ko’rinishlarda bo’lishi mumkin:


Diniy madaniyat

“PIRAMIDA” TEXNOLOGIYASI

Dunyoviy madaniyat

Ommaviy madaniyat

Madaniyat

Madaniyatshunoslik qanday fan va bu fan nimalarni o’rganadi?

Madaniyatshunoslik madaniyat to’grisidagi fan bo’lib, madaniyat tarixi va madaniyat nazariyasidan iborat. Madaniyatshunoslik fani insoniyatga xos madaniy jarayonni, uning mazmun-mohiyati va ahamiyatini tahlil qiladigan, madaniy taraqqiyotning umumiy qonunlarini o’rganadigan gumanitar fandir.

Madaniyatshunoslik fani, birinchidan, ibtidoiy turmush tarzidan to hozirgi kungacha bo’lgan davrdagi madaniy jarayonni butunligicha, yaxlit idrok etishga, madaniyat taraqqiyoti haqida barcha fanlar tomonidan to’plangan bilim va tushunchalarni o’rganishga ko’maklashuvchi fandir.
Ikkinchidan, madaniyatshunoslik madaniyatni murakkab va dinamik hodisa-yu o’ziga xos fonomen, sistema sifatida o’rganuvchi fandir. Uchinchidan, insoniyat taraqqiyotining barcha bosqichlariga xos madaniy jarayonni, insonlar tomonidan yaratilgan moddiy va ma’naviy yutuqlarni taqqoslash, solishtirish orqali eng umumiy madaniyatshunoslik qonunlarini o’rganuvchi fandir.
Madaniyatshunoslik fanining predmeti, uning tadqiqot obyekti insoniyatning asrlar davomidagi madaniy faoliyati, madaniy taraqqiyot yutuqlari, ularning ma’no-mazmunini o’rganishdan iboratdir.
Madaniyatshunoslik fanini o’rganishning zarurati shundaki, insoniyat jamiyat taraqqiyotiga faqat siyosiy, iqtisodiy, texnikaviy, huquqiy tadbirlar bilan erishib bo’lmaydi, shular bilan bir qatorda jamiyat ma’naviy-madaniy hayotini ham yuksaltirishga erishmog’I zarur bo’ladi.
Madaniyatshunoslik fani boshqa gumanitar fanlar bilan bog’liq holda o’rganiladi. Buni quyidagi chizma orqali ko’rishimiz mumkin.