Muqaddima

ERITROTSITLARNING CHO’KISH TEZLIGI 
 
     Ivishning  oldi  olingan  qonni  probirkaga  solib  qo‘yilsa,  solishtirma  og‘irligi  kattaroq 
bo`lgan eritrotsitlar cho‘kadi. Cho‘kish tezligini aniqlash uchun millimetrlarga bo`lingan 
ingichka  shihsa  naychadan  foydalaniladi.  Sog‘lom  erkaklarda  eritrotsitlarning  cho‘kish 
tezligi soatiga 1-10 mm, ayollarda 2-15 mm. 
     Bu  tezlikning  oshib  ketishi  kasallik  alomati  hisoblanadi.  EchT  plazmaning 
xossalariga,  birinchi  galda,  undagi  yirik  molekulali  oqsillar  –  globulinlar  va  fibrinogen 
miqdoriga  bog‘liq.  Yallig;lanish  jarayoni  rivojlanishi  odatda  globulinlar  va  fibrinogen 
miqdorining  oshishiga  olib  keladi.  Ayni  vaqtda  EchT  ham  oshadi.  Bu  ko‘rsatkich 
fiziologik  xolatlarda,  xususan  homiladorlik  davrida  tezlashadi  va  40-50  mm/soatni 
tashkil  qiladi.  Bunga  plazmada  fibrinogen  miqdorining  2  baravar  oshib  ketishi  sabab 
bo`ladi. 
     Chamasi,  plazmada  yirik  molekulali  oqsillarning  ko‘payib  ketishi  elektr  zaryadlar 
miqdorini  kamaytiradi,  eritrotsitlarning  bir-biridan  qochishi  sustlashtiradi.  Natijada  ular 
bir-biriga yopishib, yirik tanga ustunlar hosil qiladi va tez cho‘kadi.